भंगार एसटीतून जीवघेणा प्रवास

भंडारा येथे विभागीय नियंत्रक कार्यालय आहे. मात्र प्रवाशांच्या सुविधांकडे वरिष्ठ अधिकाऱ्यांचे दुर्लक्ष असल्याचे जाणवते. भंगार बसेसचा वापर अजुनही सुरूच असल्याने रस्त्यातच एसटी बस बंद पडणे, धक्का मारणे आदी समस्यांचा सामना चालकांना करावा लागतो. अशास्थितीत गंतव्य ठिकाणी पोहचण्यासाठी प्रवाशांनाही अधिकचा वेळ खर्ची घालावा लागतो.

ठळक मुद्देचालकांना मनस्ताप : प्रवाशांचेही हाल

लोकमत न्यूज नेटवर्कभंडारा : ‘प्रवाशांच्या सेवेसाठी’ असे ब्रीदवाक्य अंगीकारणाऱ्या राज्य परिवहन महामंडळाच्या भंगार बसेसमधून प्रवाशांचा जीवघेणा प्रवास सुरू आहे. खळखळ वाजणाºया एसटी बसमधून प्रवास करताना आपण सुरक्षित आहोत काय, असा सवालही प्रवाशी विचारीत आहे. सोमवारी दुपारी असाच प्रकार जिल्हा परिषद चौकातील प्रवाशी निवाºयावर उतरलेल्या प्रवाशांनी अनुभवला.भंडारा येथे विभागीय नियंत्रक कार्यालय आहे. मात्र प्रवाशांच्या सुविधांकडे वरिष्ठ अधिकाऱ्यांचे दुर्लक्ष असल्याचे जाणवते. भंगार बसेसचा वापर अजुनही सुरूच असल्याने रस्त्यातच एसटी बस बंद पडणे, धक्का मारणे आदी समस्यांचा सामना चालकांना करावा लागतो. अशास्थितीत गंतव्य ठिकाणी पोहचण्यासाठी प्रवाशांनाही अधिकचा वेळ खर्ची घालावा लागतो.सोमवारी दुपारी २.१५ वाजताच्या सुमारास जिल्हा परिषद चौकातील प्रवाशी निवारा येथे तुमसर मार्गाहून आलेल्या एका एसटीमधून प्रवाशी उतरले. यात अनेक वृद्ध प्रवाशी असल्याने भंगार बसचा अनुभव त्यांनी कथन केला.वायफाय सेवेचे तीनतेराएसटी बसमध्ये प्रवाशांना मोफत वायफाय सेवेचा फायदा घेता येईल, असे बोर्ड दिसून येतात. मात्र सदर वायफाय सेवेचे तीनतेरा वाजल्याचे दिसून येते. बहुतांश बसमध्ये ही सुविधा कार्यरत नाही. अग्निशमन यंत्रे धुळखात पडली आहेत. प्राथमिक कीट पेटीही अनेक दिवसांपासून बदलविण्यात येत नाही. त्यामुळे एसटीचा प्रवास सुरक्षीत प्रवास असे म्हणणाºया महामंडळावरच विचार मंथन करण्याची वेळ आली आहे. बसस्थानकातही सुविधांचा अभाव असून भंडारा येथील बसस्थानक परिसरात खड्ड्यांची भरमार आहे.