पवनीतील विज्ञान महाविद्यालयात संस्थात्मक क्वारंटाईन केंद्र

शिवाजी शिक्षण संस्थेचे अध्यक्ष हर्षवर्धन देशमुख तसेच कार्यकारीनी सदस्य हेमंत काळमेघ यांचे मार्गदर्शनाखाली विज्ञान महाविद्यालय पवनी येथे रेड झोनमधून आलेल्यांसाठी विज्ञान महाविद्यालयात ३० खाटाचे संस्थात्मक क्वारंटाईन केंद्र स्थापन करण्यात आले आहे. वैद्यकीय पथकाद्वारे तपासणी करून स्वॅब नमूने तपासणीसाठी पाठविले जात आहेत.

ठळक मुद्दे३० खाटांची व्यवस्था । तहसीलदारांकडून पाहणी, रेड झोनमधून आलेल्यांना करणार दाखल

लोकमत न्यूज नेटवर्कपवनी : येथील शिवाजी शिक्षण संस्था संचालित विज्ञान महाविद्यालय पवनी येथे तहसीलदार तथा तालुका आपत्ती व्यवस्थापन कक्षाच्या मार्गदर्शनात ३० खाटाचे संस्थात्मक क्वारंटाईन केंद्र स्थापन करण्यात आले.शिवाजी शिक्षण संस्थेचे अध्यक्ष हर्षवर्धन देशमुख तसेच कार्यकारीनी सदस्य हेमंत काळमेघ यांचे मार्गदर्शनाखाली विज्ञान महाविद्यालय पवनी येथे रेड झोनमधून आलेल्यांसाठी विज्ञान महाविद्यालयात ३० खाटाचे संस्थात्मक क्वारंटाईन केंद्र स्थापन करण्यात आले आहे.वैद्यकीय पथकाद्वारे तपासणी करून स्वॅब नमूने तपासणीसाठी पाठविले जात आहेत. यासाठी नोडल अधिकारी म्हणून विज्ञान महाविद्यालय पवनीचे प्राचार्य डॉ. विजय लेपसे यांची नियुक्ती करण्यात आली आहे.महाविद्यालयाने स्वच्छ खोल्या तयार केल्या असून उन्हाळ्याच्या दृष्टीने कुलरची व्यवस्था तसेच आंघोळ व इतर कामाकरिता पाण्याची सोय करण्यात आली आहे.परिसरात बगीचा तसेच इतर झाडे असल्यामुळे तिथे राहणारे सर्वजण तणावमुक्त कसे राहतील याची व्यवस्था करण्यात आली आहे. केंद्रावरील सुविधेसंबंधी आढावा प्रशासनाकडून घेतला जात असून येथे राहणारे अनेकजण समाधानी आहेत. यासाठी सर्व शिक्षक, शिक्षकेत्तर कर्मचाऱ्यांचे सहकार्य लाभत असल्याची माहिती आहे.