शिष्यवृत्ती परीक्षा स्पर्धेची प्रथम पायरी

शेखर साखरवाडे: मार्गदर्शिकेचे वाटप

फोटो - विद्यार्थ्यांना मार्गदर्शन करताना शेखर साखरवाडे, रामा लांजेवार, गजानन वैद्य.

मोहाडी - शालेय पातळीवर विविध परीक्षा घेतल्या जातात. शिष्यवृत्ती परीक्षा स्पर्धा परीक्षेची प्रथम पायरी आहे. अभ्यासाचे नियोजन असले पाहिजे. ठरवून केलेला अभ्यास जिद्दीने केला तर हवं ते मिळविता येईल, असे प्रतिपादन उद्योजक शेखर साखरवाडे यांनी केले.

महात्मा जोतिबा फुले हायस्कूल मोहगाव देवी येथील शाळेत शिष्यवृत्ती परीक्षा मार्गदर्शिकेचे वाटप कार्यक्रम आयोजित करण्यात आला, त्यावेळी ते बोलत होते. कार्यक्रमाच्या अध्यक्षस्थानी नववीची विद्यार्थिनी सानिका लेंडे होती. उद्योजक रामाभाऊ लांजेवार, मुख्याध्यापक राजकुमार बांते, सहायक शिक्षक हंसराज भडके, गजानन वैद्य, शोभा कोचे, गोपाल मडामे, मोहन वाघमारे, श्रीहरी पडोळे यांची उपस्थिती होती. महात्मा गांधी यांच्या पुण्यतिथी व हुतात्मा दिनाचे औचित्य साधून आठवीत असणाऱ्या विद्यार्थ्यांना शिष्यवृत्ती परीक्षेच्या ३९ मुलांना मार्गदर्शिका पुस्तिकेचे वाटप करण्यात आले. उपविभागीय अधिकारी कार्यालय मौदा येथील नायब तहसीलदार नवनाथ कातकडे यांनी मार्गदर्शिका पुस्तिका उपलब्ध करून दिल्या. याप्रसंगी रामाभाऊ लांजेवार म्हणाले, ‘मुलांनी आलेल्या संधीचं सोनं केलं पाहिजे. आपले व शाळेचे नाव कमवायचे असेल तर खूप अभ्यास करा.’ यावेळी सानिका लेंडे हिने साबरमती के संत.. हा गीत प्रस्तुत केले. प्रास्ताविक मुख्याध्यापक राजकुमार बांते यांनी शाळेत राबविण्यात येणाऱ्या उपक्रमाची माहिती दिली. संचालन सहायक शिक्षक हेमराज राऊत यांनी तर आभार हंसराज भडके यांनी मानले.

*बॉक्स*

शिष्यवृत्तीस पात्र व्हा..हजार रुपये मिळवा*

महात्मा जोतिबा फुले शाळेतून शिष्यवृत्तीस पात्र ठरणाऱ्या प्रत्येक विद्यार्थ्यांना बक्षीस उद्योजक शेखर साखरवाडे यांच्याकडून एक हजार रुपये मिळणार आहेत.