...अखेर आयुध निर्माणी कर्मचाऱ्यांच्या मागण्या मंजूर

वैश्विक महामारी कोरोनाचा फैलाव मोठ्या प्रमाणावर होत आहे. परिणामी कोरोनामुळे दहाच्या वर कर्मचाऱ्यांचे निधन झाले. पंधराच्या वर कर्मचारी विविध रुग्णालयांत उपचार घेत आहेत. याही परिस्थितीत कारखान्यात कोविड-१९ चे पालन होत नसल्याबाबचे लेखी निवेदन जिल्हाधिकारी व कोलकत्ता बोर्ड यांना देण्यात आले. दिनांक १७ मे रोजी आयुध कर्मचारी संघ, न्यू एक्सप्लोसियू फॅक्टरी वर्कर्स युनियन व डेमॉक्रेटिक युनियनद्वारे निर्माणीमध्ये ५०-५० टक्के धर्तीवर काम करणे, वसाहतीमधील कर्मचाऱ्यांना ५० टक्के कामावर बोलाविणे व अत्यावश्यक विभागातील कामगारांना त्यांच्या संख्याबळानुसार संख्या कमी करणे, कामावर असलेल्या कर्मचाऱ्यांना ओव्हर टाइम देण्यात यावा, याविषयी प्रथम प्रशासकीय अधिकारी एडमिन यांच्यासोबत चर्चा करण्यात आली. यात मागण्या मान्य न झाल्यास पुढे तीनही युनियनद्वारे तीव्र आंदोलन करण्याचा इशारा दिला होता. लगेच एचओएस, डीव्हीओची सभा बोलाविण्यात आली. यात सदर मागण्या मान्य करीत ५०-५० टक्क्यांनुसार कारखाना चालविण्यासाठी वसाहतींमध्ये राहणाऱ्या कर्मचाऱ्याला बोलाविण्यात येणार असल्याचे १७ मे रोजी निर्माणीच्या पत्रकात नमूद केले आहे.