वैशालीनगरात श्रामणेर शिबिराची सांगता

By Admin | Updated: July 16, 2014 00:01 IST2014-07-16T00:01:53+5:302014-07-16T00:01:53+5:30

भारतीय बौद्ध महासभा भंडाराच्या वतीने श्रामणेर प्रशिक्षण शिबिर वैशालीनगर भंडारा येथे पार पडले. जिल्ह्यातील १४ निवडक धम्मप्रिय उपासकांना श्रामणेरची दीक्षा देण्यात आली.

Explain the trophy in Vaishalinagar | वैशालीनगरात श्रामणेर शिबिराची सांगता

वैशालीनगरात श्रामणेर शिबिराची सांगता

भंडारा : भारतीय बौद्ध महासभा भंडाराच्या वतीने श्रामणेर प्रशिक्षण शिबिर वैशालीनगर भंडारा येथे पार पडले. जिल्ह्यातील १४ निवडक धम्मप्रिय उपासकांना श्रामणेरची दीक्षा देण्यात आली.
शिबिरात भदंत महाथेरो दीपंकर व भदंत धम्मरक्षित आणि बौद्धाचार्य आर.आर. कसबे यांनी मार्गदर्शन केले. या कार्यक्रमाची सांगता व वर्षावास आरंभ यांचा संयुक्त कार्यक्रम मंगलमय वातावरणात पार पडला.
अध्यक्षस्थानी भारतीय बौद्ध महासभेचे जिल्हाध्यक्ष समीक्षक बौद्धप्रिय होते. प्रास्ताविक हर्षल मेश्राम यांनी केले. या कार्यक्रमाला बौद्धाचार्य आर.आर. कसबे, सी.झेड. गजभिये, वामनराव मेश्राम, एम.डब्ल्यू. दहिवले उपस्थित होते. श्रामणेर दीक्षा प्राप्त झालेले डॉ. महेंद्र रंगारी, प्राणहंस मेश्राम, चंद्रभान मेश्राम, धर्मदास गणवीर, आनंद जांभुळकर, राव लोणारे, दीपक पांडुरंग बेलेकर यांनी अनुभव कथन केले.
कार्यक्रम भारतीय बौद्ध महासभा शाखा भंडारातर्फे आयोजित करण्यात आला होता. बौद्ध महासभेच्या राष्ट्रीय महाउपासिका डॉ. बाबासाहेब आंबेडकर यांच्या स्नुषा मीरा आंबेडकर असून जिल्ह्यामध्ये २७ शाखा कार्यरत आहेत. भंते महाथेरो दिपंकर यांच्या हस्ते धम्मदीक्षेचा कार्यक्रम पार पडला. त्यात ४७३ व्यक्तींनी दीक्षा घेतली. त्याची नोंद भारतीय बौद्ध महासभेच्या रजिस्टरमध्ये घेण्यात आली.
प्रत्येक नवदीक्षित बौद्धाला १४ आॅगस्टपर्यंत भारतीय बौद्ध महासभेतर्फे प्रमाणपत्र वितरित करण्यात येणार आहेत. संध्याकाळी ६ वाजता वर्षावासाच्या कार्यक्रमास सुरुवात झाली. उपासक, उपासिकांनी समस्त उपस्थितांना खीर वाटप केले.
कार्यक्रमासाठी आयोजन जिल्हाध्यक्ष समीक्षक बौद्धप्रिय तसेच समितीचे इतर सदस्यगण प्राणहंस मेश्राम, सुरेंद्र बंसोड, हर्षल मेश्राम, रुपलता फुले, हरकर उके, सुरेश रंगारी, डॉ. महेंद्र रंगारी, वीणा रामटेके, सचिन फुले, हरिचंद्र लाडे, रंजित कोल्हटकर, डॉ. मधुकर टेंभुर्णे, ममता हुमणे, सुमन कानेकर यांनी परिश्रम घेतले. संचालन प्रा.सुरेंद्र बन्सोड तर आभार प्रा. कांबळे यांनी केले. (प्रतिनिधी)

Web Title: Explain the trophy in Vaishalinagar

Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.