लग्न खर्च बचतीतून विद्यार्थ्यांना शैक्षणिक साहित्य

जिल्ह्यातील गरजू विद्यार्थ्यांना दत्तक घेणार आहेत. भंडारा जिल्हा परिषदचे उपशिक्षणाधिकारी डॉ. महेंद्र गजभिये व कल्याणी ठमके, असे या नवविवाहित दाम्पत्याचे नाव आहे. त्यांचा २५ जून रोजी नागपूर येथे नोंदणी विवाह पार पडला. भंडारा जिल्हा परिषदमध्ये उपशिक्षणाधिकारी पदावर कार्यरत असतांना जिल्ह्यातील गरीब, होतकरू विद्यार्थ्यांचा शैक्षणिक व गुणवत्तात्मक विकास होण्याहेतू प्रेरित होवून सबंधिताना दत्तक घेवून मदतीचा वसा घेतला.

ठळक मुद्देगरजू विद्यार्थ्यांना घेणार दत्तक : नवविवाहित दाम्पत्यांचा निर्धार, समाजासमोर ठेवला आदर्श

लोकमत न्यूज नेटवर्कलाखांदूर : थाटामाटात लग्न करुन समाजात मोठेपणा मिरविणाऱ्यांची कमी नाही. मात्र सनदी अधिकारी असूनही लग्नावर अवाढव्य खर्च न करता नोंदणी विवाह करुन बचत झालेल्या खर्चाच्या रकमेतून गरजू विद्यार्थ्यांना शैक्षणिक साहित्य देण्याचा निर्धार केला आहे.भंडारा जिल्हा परिषदचे उपशिक्षणाधिकारी व दाम्पत्यांनी केला हा निर्धार केला आहे. जिल्ह्यातील गरजू विद्यार्थ्यांना दत्तक घेणार आहेत. भंडारा जिल्हा परिषदचे उपशिक्षणाधिकारी डॉ. महेंद्र गजभिये व कल्याणी ठमके, असे या नवविवाहित दाम्पत्याचे नाव आहे. त्यांचा २५ जून रोजी नागपूर येथे नोंदणी विवाह पार पडला. भंडारा जिल्हा परिषदमध्ये उपशिक्षणाधिकारी पदावर कार्यरत असतांना जिल्ह्यातील गरीब, होतकरू विद्यार्थ्यांचा शैक्षणिक व गुणवत्तात्मक विकास होण्याहेतू प्रेरित होवून सबंधिताना दत्तक घेवून मदतीचा वसा घेतला. त्यांनी अगदी साध्या व संवैधानीक पद्धतीने काही मोजक्या नागरिकांच्या उपस्थितीत नोंदणी विवाह केला.त्यानुसार लग्नावरील बचत झालेल्या खर्चाच्या रकमेतून सबंधित दांम्पत्य जिल्ह्यातील गरजू विद्यार्थ्यांना दत्तक घेवून शैक्षणिक साहित्य पुरविणार आहेत.दरम्यान, सबंध जिल्ह्यात आदर्श व मानवता जोपासणारे नवदाम्पत्य भावी पिढीसाठी प्रेरणादायी ठरणारे आहेत. जिल्ह्यातील शैक्षणिक क्षेत्रात सामाजिक भावनेने कार्य करण्यास उत्सूक असतांनाच स्वत:चा विवाह अत्यंत साध्या पद्धतीने उरकून त्यांनी समाजासमोर विशेषत: तरुण मंडळी पुढे एक आदर्श निर्माण केला आहे. त्यांच्या या कार्याची लाखांदूर तालुक्यात प्रशंसा केली जात आहे.