लोकमत न्यूज नेटवर्क
भंडारा : सध्या श्रावण मासाचे उपवास सुरू असून, सोबतच सणासुदीलाही प्रारंभ झाल्यामुळे फळांना मागणी वाढली आहे. परिणामी, फळांचे दर चढले असतानाच, डेंग्यूमुळे मात्र ड्रॅगन फ्रुट भाव खात आहे. डेंग्यूवर ड्रॅगन फ्रुट उतारा असल्याचे बोलले जात असल्याने, ड्रॅगन फ्रुटला मागणी वाढल्याचे त्याचे दरही वाढले असतानाच, सध्या शहरातील बाजारात ड्रॅगन फ्रुटचे शॉर्टेज असल्याचे व्यापारी सांगत आहेत.
बॉक्स
आवक वाढल्याने सफरचंद स्वस्त
सध्या ड्रॅगन फ्रुट भाव खात असतानाच पुरवठा नसल्याने त्याचे शॉर्टेज झाले आहे, तर दुसरीकडे २०० रुपयांपेक्षा जास्त दराने विकले सफरचंद सध्या घसरले असून, आवक वाढल्यामुळे ते सध्या १०० रुपये किलो दराने विकले जात आहे. येथे सफरचंद नागपूर येथून आणले जातात.
सध्या आवक मोठ्या प्रमाणात असल्याने त्यांचे दर घसरल्याचे व्यापारी सांगतात.
बॉक्स
डेंग्यूवर ड्रॅगनचा उतारा
ड्रॅगन फ्रुटमध्ये मोठ्या प्रमाणात सेलेनियम, झिंक, व्हिटॅमिन-सी सारखे मायक्रो न्युट्रिएंट व अँटी ऑक्सिडंट प्रॉपर्टीज असतात. यामुळे आपली रोग प्रतिकारशक्ती वाढते व मोसमी, तसेच व्हायरल फिव्हरशी लढायला आपल्या शरीराला ताकत मिळते. यामुळे ड्रॅगन फ्रुटचे सेवन शरीरासाठी खूपच फायदेशीर असल्याचे येथील जिल्हा सामान्य रुग्णालयाचे निवासी वैद्यकीय अधिकारी डॉ. निखिल डोकरीमारे यांनी सांगितले.
कोट
ड्रॅगन फ्रुटचे शॉर्टेज
मध्यंतरी ड्रॅगन फ्रुट १२०-१३० रुपये किलो दराने विकले जात होते व त्यांची आवकही होती. मात्र, सध्या ड्रॅगनची फ्रुटची मागणी वाढली असतानाच त्यांचा पुरवठा होत नसल्याने शॉर्टेज आहे. यामुळे ड्रॅगन फ्रुट महागले असून, सध्या १६० रुपये किलो दराने त्याची विक्री होत आहे.
- आशिष पालटकर, फळ विक्रेता