नागपुरात ६० युवक - युवतींना मिळाला रोजगार

तुमसर तालुक्यातील ६० युवक - युवतींना नागपुरात रोजगार प्राप्त झाले आहे. यात ४५ युवती व १५ युवकांचा समावेश आहे.

कौशल्य विकास कार्यक्रम : ग्रामीण युवकं-युवतींचा समावेश
तुमसर : तुमसर तालुक्यातील ६० युवक - युवतींना नागपुरात रोजगार प्राप्त झाले आहे. यात ४५ युवती व १५ युवकांचा समावेश आहे. दिनदयाल उपाध्याय कौशल्य विकास कार्यक्रमांतर्गत त्यांना प्रशिक्षण देण्यात आले होते. ग्रामीण व दुर्गम गावातील युवकांचा यात समावेश आहे.
स्टार्ट अप इंडिया अंतर्गत प्रशिक्षण व रोजगार उपलब्ध व्हावा याकरिता केंद्र शासन व राज्य शासनाच्या विद्यमाने पंडीत दीनदयाल उपाध्याय कौशल्य विकास कार्यक्रमांतर्गत तुमसर तालुक्यातील ६० युवक युवतींना विविध रोजगारासंदर्भात प्रशिक्षण देण्यात आले. यात ग्रामीण व दुर्गम गावातील युवक, युवतींचा समावेश आहे. त्यांना नागपुरातील विविध मोठे हॉटेल, मॉल व मोठ्या संस्थेत रोजगार प्राप्त झाला असून दरमहा अनुक्रमे १५ हजार, १० हजार, ८ हजार वेतन मिळते. मुख्य प्रवाहात येण्याकरिता ही संधी येथे प्राप्त झाली आहे. खंडविकास अधिकारी मनोज हिरुडकर, आ.चरण वाघमारे सह पंचायत समिती कार्यालयातील अधिकारी, कर्मचाऱ्यांनी याकरिता विशेष परिश्रम घेतले. (तालुका प्रतिनिधी)