ग्रहांच्या राशी बदलाच्या दृष्टीने मे महिना खूप खास आहे. मे २०२२ मध्ये अनेक महत्त्वपूर्ण ग्रहांनी आपले स्थान बदलले आहे. त्याचा परिणाम बाराही राशींवर कमी अधिक प्रमाणात होत आहे. यावेळी मीन राशीमध्ये त्रिग्रही योग तयार होत आहे. मीन राशीमध्ये मंगळ, गुरू आणि शुक्र या तीन ग्रहांचा संयोग होत आहे. भाग्यशाली बृहस्पतिच्या राशीत तयार झालेला त्रिग्रही योग सर्व १२ राशीच्या लोकांवर मोठा प्रभाव टाकेल. त्याचबरोबर हा त्रिग्रही योग ३ राशीच्या लोकांसाठी अतिशय शुभ ठरणार आहे.
या आहेत त्या तीन भाग्यवान राशी :
वृषभ : वृषभ राशीच्या लोकांसाठी हा त्रिग्रही योग अतिशय शुभ परिणाम देईल. वृषभ राशीचा स्वामी शुक्र असून हा त्रिग्रही योग मंगळ, गुरू आणि शुक्र यांच्या एकत्र येण्यामुळे बनत आहे. तसेच यावेळी शुक्र लाभ स्थानावर असल्याने या राशीच्या लोकांना प्रमोशन मिळण्याची शक्यता आहे. वरिष्ठ अधिकाऱ्यांशी संबंध चांगले राहतील. अचानक करिअरशी संबंधित काही चांगली बातमी मिळू शकते. करिअर सुधारण्यासाठी केलेले प्रत्येक प्रयत्न यश देईल.
मिथुन: मिथुन राशीच्या लोकांना करिअर संबंधी प्रत्येक गोष्टीत यश मिळेल. नशीब साथ देईल. व्यापार जगताशी संबंधित या राशीच्या लोकांना मोठा फायदा होऊ शकतो. अडकलेले पैसे मिळू शकतात. व्यवसाय वाढू शकतो. याशिवाय वैवाहिक जीवनातही हा काळ चांगला लाभ देईल. मालमत्तेशी संबंधित प्रकरणे सुटू शकतात.
वृश्चिक: मंगळ-गुरु-शुक्र यांचा संयोग वृश्चिक राशीच्या लोकांसाठी खूप शुभ मुहूर्त घेऊन आला आहे. त्यांना पैसे मिळतील ज्यामुळे त्यांच्या आर्थिक स्थितीत खूप ताकद येईल. जीवनात सुख-सुविधा वाढतील. तुम्ही एखादी वस्तू खरेदी करू शकता जी तुम्ही बऱ्याच काळापासून घेण्याचा विचार करत होता. नवविवाहितांना काही चांगली बातमी मिळू शकते. प्रेमी युगुलांच्या आयुष्यात प्रेम वाढेल. एकूणच हा काळ तुमच्या आयुष्याला कलाटणी देणारा ठरेल.