शहरं
Join us  
Trending Stories
1
निवडणूक आयोगाचा मोठा निर्णय! राज्यातील काही ठिकाणच्या निवडणुका पुढे ढकलल्या; कारण काय?
2
हिटमॅन रोहित शर्मा वनडेचा 'सिक्सर किंग'! पाकिस्तानच्या शाहिद आफ्रिदीचा वर्ल्ड रेकॉर्ड मोडला
3
दुसऱ्या पत्नीचे विवाह प्रमाणपत्र की पहिली पत्नी कायदेशीर? मालमत्ता वादात मुंबई कोर्टाचा महत्त्वपूर्ण निर्णय
4
पहिल्याच 'ब्लाइंड डेट'वर भेटला, अवघ्या ४ तासांत लग्नही केले; पण एका महिन्यात होत्याचे नव्हते झाले!
5
'फोडाफोडीत त्यांचं आयुष्य, भाजप हा पूर्णपणे बाटलेला पक्ष...'; माणिकराव कोकाटेंची टीका
6
सूरज चव्हाणच्या लग्नातील खास क्षणांचे फोटो समोर, बायकोच्या पारंपरिक मंगळसूत्राने वेधलं लक्ष
7
महामार्ग बनला मृत्युमार्ग, भरधाव ट्रकची ८ दुचाकींना धडक, ५ जणांचा जागीच मृत्यू 
8
आर्थिक जगतासाठी 'रेड अलर्ट'! जपानमुळे जगातील सर्वात मोठा 'असेट बबल' फुटणार, कियोसाकींचा इशारा
9
आंतरराष्ट्रीय दहशतवादी मॉड्यूलचा भांडाफोड, 3 दहशतवाद्यांना अटक; ISI शी थेट संबंध...
10
मोक्षदा एकदाशी २०२५: मोक्ष म्हणजे काय? कलियुगात मोक्ष मिळू शकतो का? पाहा, ५ सोपे सरळ मार्ग!
11
दिल्ली बॉम्बस्फोटाचे कनेक्शन बिहारमध्ये? खगडियामध्ये एनआयएची छापेमारी; मेटल डिटेक्टरने घराची तपासणी
12
मोक्षदा एकदाशी २०२५: ‘असे’ करा व्रत, वाचा, महती अन् महत्त्व; मोक्ष प्राप्तीचा सापडेल मार्ग!
13
मोफत योजना निवडणुका जिंकवू शकतील, पण देश...! माजी RBI गव्हर्नर डी. सुब्बाराव यांची बोचरी टीका
14
मोक्षदा एकदाशी २०२५: ‘या’ २ खास कारणांमुळे ही एकादशी ठरते अगदी विशेष अन् वेगळी; कशी? वाचा
15
बाजारात पडणार 'पैशांचा पाऊस'! २ महिन्यांत येणार ४०,००० कोटींचे २० हून अधिक IPO; 'या' कंपन्या आघाडीवर!
16
'निवडणुका काही वार्डात अचानक स्थगित करणे हा लोकशाहीला धक्का देणारा निर्णय'; यशोमती ठाकुर यांचा हल्लाबोल
17
टी-२० मध्ये सुपरफास्ट शतक ठोकणारे भारतीय, अभिषेक शर्माने ऋषभ पंतच्या विक्रमाशी केली बरोबरी
18
IBC, इन्शुरन्स, सिक्युरिटीज मार्केट अन् हायवे..; हिवाळी अधिवेशनात 14 विधेयके सादर होणार
19
शरद पवारांसमोर नवा पेच, अजित पवारांसोबत जाण्याला प्रशांत जगताप यांचा विरोध; थेट राजकारण सोडण्याचे संकेत
20
विराट कोहली कसोटीतील निवृत्ती मागे घेणार? माध्यमांत चर्चा, आता BCCI नं दिलं असं उत्तर
Daily Top 2Weekly Top 5

मोक्षदा एकदाशी २०२५: ‘असे’ करा व्रत, वाचा, महती अन् महत्त्व; मोक्ष प्राप्तीचा सापडेल मार्ग!

By ऑनलाइन लोकमत | Updated: November 30, 2025 14:03 IST

Mokshada Ekadashi 2025 Vrat Vidhi In Marathi: मार्गशीर्ष महिन्यातील मोक्षदा एकादशीचे महत्त्व अनन्य साधारण आहे. व्रतकथा, व्रतपूजन विधी जाणून घ्या...

Mokshada Ekadashi 2025 Vrat Vidhi In Marathi: गीतेमध्ये दहाव्या अध्यायात विभूतीयोग सांगताना भगवंतांनी ‘मासानां मार्गशीर्षोऽहम’ म्हणजे मार्गशीर्ष महिन्यात मी असतो, असे म्हटले आहे. मार्गशीर्ष मास हा केशव मास म्हणूनही ओळखला जातो. कारण या महिन्याचे पालकत्व भगवान महाविष्णू यांच्याकडे असते. मार्गशीर्ष महिन्याच्या शुद्ध पक्षातील एकादशी मोक्षदा एकादशी म्हणून ओळखली जाते. याच दिवशी गीता जयंती असते. मोक्षदा एकदाशी आणि गीता जयंतीचा योग अनन्य साधारण असा मानला गेला आहे. मोक्षदा एकादशीचे व्रताचरण, महत्त्व, महती जाणून घेऊया...

प्रत्येक मराठी महिन्याच्या शुद्ध पक्षात आणि वद्य पक्षात एकादशी येते. वर्षभरातील सर्व व्रतांमध्ये एकादशीचे व्रत सर्वोच्च, सर्वोत्तम, सर्वश्रेष्ठ मानले गेले आहे. या प्रत्येक एकादशीचे महत्त्व आणि मान्यता अगदी वेगवेगळ्या आहेत. तसेच या प्रत्येक एकादशीची नावेही अगदी वैशिष्ट्यपूर्ण आहेत. या एकादशींच्या नावावरून त्याचे वेगळेपण आणि महत्त्व विषद होत असते. यंदा, सोमवार, ०१ डिसेंबर २०२५ रोजी मोक्षदा एकादशी आहे. याच दिवशी गीता जयंती आहे. 

मोक्षदा एकादशी व्रताचरणाची सोपी पद्धत

वर्षभरात येणाऱ्या सर्व एकादशी दिनी भगवान श्रीविष्णूंचे पूजन केले जाते. एकादशी व्रताचरण आणि श्रीविष्णू पूजनाचा संकल्प करावा. श्रीविष्णूंची चौरंगावर स्थापना करावी. श्रीविष्णूंचे आवाहन करावे. यानंतर पंचामृत अभिषेक अर्पण करून त्याचाच नैवेद्य दाखवावा. मुख्य अभिषेक करावा. अभिषेक झाल्यानंतर वस्त्र, गंध, अक्षता, तुळशीची पाने, फुले, फळे श्रीविष्णूंना अर्पण करावीत. धूप, दीप आणि नैवेद्य दाखवून श्रीविष्णूंची आरती करावी. मनापासून नमस्कार करून सर्वांना प्रसादाचे वाटप करावे. शक्य असल्यास विष्णू सहस्रनामाचे पठण करावे. यथाशक्ती दान करावे. षोडषोपचार पूजा शक्य नसेल, तर पंचोपचार पूजा करावी. आपापले कुळाचार, कुळधर्म, परंपरा पाळून एकादशी व्रताचरण करावे, असे सांगितले जाते. 

मोक्षदा एकदाशीची सांगता करायची योग्य पद्धत एकादशीला जागरण करून भजन, कीर्तनात रात्र जागवावी, असे सांगितले जाते. या एकादशीचे व्रत आचरणाऱ्यांना मनात कोणत्याही प्रकारचा संशय ठेवू नये. व्रतदिनी केवळ फलाहार घ्यावा. ज्यांना केवळ फलाहार करणे शक्य नाही, त्यांनी सात्विक आहार घ्यावा. शक्यतो कांदा, लसूणयुक्त उग्र पदार्थ खाणे टाळावे. एकादशी दिनी केलेल्या व्रतानंतर दुसऱ्या दिवशी उठून स्नानदिक कार्ये आटोपल्यानंतर की, एकादशी व्रत सांगतेचा संकल्प करून तो पूर्ण करावा. यावेळी श्रीविष्णूंची मनोभावे पूजा करावी. व्रताच्या यशस्वीतेसाठी श्रीविष्णूंचे आभार मानावेत. व्रत आचरण काळात कोणाबाबतही अपशब्द बोलू नयेत. पूजा करताना कोणाच्याही बाबतीत मनात ईर्ष्या उत्पन्न करू नये. तसेच व्रताचरण करताना अनावधानाने झालेल्या चुकांबाबत श्रीविष्णूंकडे क्षमायाचना करावी.

खुद्द श्रीकृष्णांनी सांगितले आहे मोक्षदा एकादशीचे महत्त्व

मार्गशीर्ष शुक्ल पक्षात येणारी एकादशी मोक्षदा एकादशी म्हणून ओळखली जाते. मोक्ष प्राप्तीच्या दृष्टीने या एकादशीला अनन्यसाधारण महत्त्व असते. मोक्ष देणारी म्हणून मोक्षदा एकादशी असे तिचे नाव आहे. नरदेहातून सुटका झाल्यावर आत्म्याला मोक्ष मिळावा, म्हणून यादिवशी भगवान विष्णू यांची आराधना केली जाते. पद्म पुराणात भगवान श्रीकृष्ण यांनी युधिष्ठिराला सांगितले, मोक्षदा एकादशीच्या दिवशी भगवान महाविष्णूंना तुळशी मंजिरी, धूप, दीप अर्पण करून मनोभावे पूजा केल्यास सर्व पातकांचा नाश होतो. पातक नष्ट झाल्याने आपसुकच मोक्षाचे द्वार खुले होते. मोक्षदा एकादशीचे व्रत मनापासून केल्यास मृत्यूपश्चात केवळ आपल्यालाच नव्हे तर आपल्या पितरांच्या आत्म्याला सद्गती मिळते. ही एकादशी कामधेनूप्रमाणे आपल्या सर्व मनोकामना पूर्ण करते. मोक्षदा एकादशीची व्रत कथा ऐकणाऱ्या आणि वाचणाऱ्याला पुण्य प्राप्त होते, असे म्हटले जाते.

मोक्षदा एकदाशी व्रतकथा

गोकुळ नामक नगरात वैखानस नावाचा राजा राज्य करत होता. त्याच्या राज्यात अनेक विद्वान होते. तो आपल्या प्रजेचे मुलांप्रमाणे संगोपन करत असे. एके रात्री राजाला स्वप्न पडले, की त्याचे वडील नरकात गेले आहेत. दुसऱ्या दिवशी उठल्यापासून राजा अस्वस्थ झाला. राज्यातील मान्यवर ऋषींसमोर त्याने दु:ख कथन केले. वडिलांना नरकयातना भोगाव्या लागत आहेत, ही कल्पनाही सहन होत नाही, असे सांगितले. ऋषींनी त्याला पर्वत ऋषींकडे शंका निरसन करण्यासाठी पाठवले. राजाने पर्वत ऋषींची भेट घेतली. त्यांनी ध्यानस्थ होऊन राजाच्या वडिलांचे प्रारब्ध पाहिले आणि राजाला भाकित केले. राजा, तू पाहिलेले स्वप्न खरे आहे. तुझ्या वडिलांकडून अजाणतेपणी झालेल्या कुकर्माचे फलित म्हणून त्यांना नरक यातना भोगाव्या लागत आहेत. राजाने विचारले, गुरुदेव, त्यांच्या यातना कमी व्हाव्यात म्हणून काहीच उपाय नाही का?' तेव्हा गुरुंनी राजाला मोक्षदा एकादशीचे व्रत करायला सांगितले. गुरुंच्या सांगण्याप्रमाणे राजाने ते व्रत केले आणि त्याच्या वडिलांची कुकर्मातून मुक्तता झाली. त्यांनी स्वप्नात येऊन पुत्राचे आभार मानले. तेव्हापासून राजा दरवेळी हे व्रत श्रद्धेने करू लागला. 

॥ ॐ नमो भगवते वासुदेवाय ॥

 

English
हिंदी सारांश
Web Title : Mokshada Ekadashi 2025: Vrat, Significance, and Path to Salvation

Web Summary : Mokshada Ekadashi, a vital fast in Margashirsha month, celebrated on December 1, 2025, offers salvation. Observing the fast, worshipping Vishnu with devotion, and chanting Vishnu Sahasranama brings blessings and liberation to ancestors. The story of King Vikhanas highlights the fast's power to redeem loved ones from suffering.
टॅग्स :ekadashiएकादशीLord Krishnaभगवान श्रीकृष्णPuja Vidhiपूजा विधीspiritualअध्यात्मिकAdhyatmikआध्यात्मिक