'जे हवे ते मिळवा' पण कसे ? हे जाणून घेण्यासाठी पहा डॉ. राजीमवाले यांचे live चर्चासत्र!

कानमंत्र हा कानात सांगावा लागतो, तरच त्याचा प्रभाव टिकून राहतो. यासाठी उद्याचे चर्चासत्र कान देऊन ऐकायला विसरू नका. 

अल्लादिनकडे होता तसा जादूचा दिवा किंवा मनातली इच्छा पूर्ण करणारा कल्पवृक्ष, वा मनातले ओळखणारा चिंतामणी अन्यथा सर्व मनोकामना पूर्ण करणारी कामधेनू यापैकी काहीतरी एक आपल्याकडे असायला हवे होते, असे आपल्याला नेहमीच वाटते, हो ना? आपली सगळी धडपड इच्छापूर्तीसाठीच तर सुरू आहे. इच्छापूर्ती आपली असेल नाहीतर दुसऱ्यांची, पण ती पूर्ण व्हायला हवी, हा ध्यास आपल्याला लागलेला असतो. तो पूर्ण करण्यासाठी डॉ. पुरुषोत्तम राजीमवाले उद्या, म्हणजे २८ मे रोजी रात्री ८ वाजता लोकमत भक्ती युट्युब चॅनेलवर live चर्चासत्रात 'कानमंत्र' सांगणार आहेत. तो मंत्र कोणता, तो कशा पद्धतीने काम करेल, याबद्दल त्यांच्याशी संवाद साधणार आहेत अभिनेत्री अपूर्वा नेमळेकर. 

डॉ. पुरुषोत्तम राजीमवाले हे शिवपुरी अक्कलकोटचे परम सद्गुरु श्री गजानन महाराज यांचे नातू आहेत. तसेच ते अक्कलकोट येथील श्री स्वामी समर्थ गुरूंच्या वंशातील आहेत. राजीमवाले कुटुंब मध्य भारतातील महाकोसल येथील राजेशाही कुटुंब म्हणून ओळखले जाते. १८०० सालापासून जनकल्याणासाठी झटण्याची परंपरा या कुटुंबाला लाभली आहे. 

अक्कलकोट येथे अग्निहोत्राच्या प्राचीन सर्वोत्तम प्रथेचे डॉ. पुरुषोत्तम यांनी पुनरुज्जीवन केले आणि उपचार, शांतीचा संदेश जगाला देण्यासाठी शिवपुरीच्या आश्रमाची स्थापना केली. त्यांनी आपले संपूर्ण बालपण अक्कलकोटच्या मठात आध्यात्मिकदृष्ट्या भारावलेल्या वातावरणात, महान योगी व संतांसोबत व्यतीत केले आहे. तसेच त्यांचे वडील श्रीकांतजी महाराज यांच्या मार्गदर्शनाखाली त्यांनी गुरु परंपरेनुसार प्राचीन विद्या आत्मसात केली. डॉ. पुरुषोत्तम यांच्या वडिलांनी संस्कृतमध्ये पीएचडी करताना वैदिक साहित्यात विशेषज्ञता प्राप्त केली होती. वडिलांकडून वेदाभ्यासाचे धडे घेत त्यांनी आयुर्वेद, योग ते तत्वज्ञान आणि वैदिक विज्ञान इ. विषयांचाही अभ्यास केला. समग्र दृष्टिकोन ठेऊन, निसर्गाच्या सानिध्यात राहत आरोग्य व निरोगी आयुष्य कसे जगायचे, याची प्राचीन शिकवणी त्यांनी घेतली.

कानमंत्र हा कानात सांगावा लागतो, तरच त्याचा प्रभाव टिकून राहतो. यासाठी उद्याचे चर्चासत्र कान देऊन ऐकायला विसरू नका.