अक्षय्य तृतीया (Akshay Tritiya 2026) हा साडेतीन मुहूर्तांपैकी एक अत्यंत शुभ मुहूर्त. या दिवशी केलेले दान, जप आणि खरेदी यांचा कधीही 'क्षय' होत नाही, अशी धार्मिक श्रद्धा आहे. यंदा १९ एप्रिल रोजी अक्षय्य तृतीयेचा सण साजरा होत आहे. या दिवशी आपण लक्ष्मी पूजन करतो आणि सोन्याची खरेदी करतो.
पण, लक्ष्मी मातेचा आशीर्वाद आपल्यावर कायम राहावा आणि घरामध्ये धन-धान्याची कधीही कमतरता भासू नये, यासाठी अक्षय्य तृतीयेपूर्वी काही 'अचूक वास्तु उपाय' करणे अत्यंत फलदायी ठरते. चला तर मग, जाणून घेऊया तुमच्या स्वयंपाकघरातील धान्याच्या डब्यात कोणत्या ४ वस्तू ठेवल्याने लक्ष्मी प्रसन्न होईल:
असे मानले जाते की, ज्या घराचे अन्नपूर्णा कक्ष (स्वयंपाकघर) शुद्ध आणि समृद्ध असते, तिथे माता लक्ष्मीचा कायमचा वास असतो.
अक्षय्य तृतीयेच्या शुभ मुहूर्तावर लक्ष्मीला आवाहन करण्यापूर्वी खालील उपाय नक्की करा:
१. गव्हाच्या पिठात १० रुपयांचे नाणे
गव्हाचे पीठ हे आपल्या अन्नाचा मुख्य आधार आहे. अक्षय्य तृतीयेपूर्वी तुमच्या पिठाच्या डब्यात १० रुपयांचे एक स्वच्छ नाणे ठेवा. नाणे हे लक्ष्मीचे प्रतीक मानले जाते. पिठात नाणे ठेवल्याने अन्नामध्ये 'बरकत' येते आणि आर्थिक ओघ वाढतो.
हे ही वाचा : Numerology: नशिबाची साथ हवीय? मग महत्त्वाच्या कामाला जाताना आपल्या जन्मतारखेनुसार वापरा 'हा' खास रंग!
२. मिठात ५ लवंगा
मीठ हे नकारात्मक ऊर्जा दूर करण्यासाठी प्रभावी मानले जाते. मिठाच्या बरणीत ५ लवंगा टाकून ठेवा. लवंगा आणि मिठाचे हे मिश्रण घरातील दारिद्र्य दूर करण्यास आणि सकारात्मक ऊर्जा आकर्षित करण्यास मदत करते. यामुळे कर्जातून मुक्ती मिळण्याचे मार्ग मोकळे होतात.
३. साखरेत दालचिनीचे तुकडे
साखर ही गोडव्याचे प्रतीक आहे, तर दालचिनी ही समृद्धी आणि नशिबाचे. साखरेच्या डब्यात दालचिनीचे दोन-तीन तुकडे ठेवा. यामुळे कुटुंबातील सदस्यांमधील प्रेम वाढते आणि उत्पन्नाचे नवीन स्रोत निर्माण होतात.
४. तांदळात हळकुंड
तांदूळ (अक्षता) हे मांगल्याचे प्रतीक आहेत, तर हळद ही विष्णू आणि लक्ष्मीला अत्यंत प्रिय आहे. तांदळाच्या डब्यात एक अख्खे हळकुंड ठेवा. या उपायाने घरातील 'धान्य' अक्षय राहते आणि शुभ कार्यांमध्ये येणारे अडथळे दूर होतात.
हे ही वाचा: Palmistry: आत्ताच आपला तळहात तपासा! 'अशी' भाग्यरेषा असणारे लोक होतात प्रचंड श्रीमंत
अक्षय्य तृतीयेला लक्ष्मी मातेला आवाहन करा
१९ एप्रिल रोजी अक्षय्य तृतीयेच्या दिवशी सकाळी स्नान उरकून लक्ष्मी मातेची आणि कुबेर यंत्राची पूजा करा. वरीलप्रमाणे उपाय केल्यानंतर, मनोभावे प्रार्थना करा की, "हे लक्ष्मी माते, आमच्या घरातील धन आणि धान्य अक्षय ठेव आणि तुझा आशीर्वाद आमच्यावर सदैव राहू दे."
अक्षय्य तृतीयेला पूजा झाली की दुसऱ्या दिवशी या चारही वस्तू वाहत्या पाण्यात विसर्जित कराव्या.
Web Summary : For lasting blessings this Akshaya Tritiya, place a coin in wheat flour, cloves in salt, cinnamon in sugar, and turmeric in rice. These simple steps invite prosperity and remove negativity from your home, ensuring abundance.
Web Summary : अक्षय तृतीया पर स्थायी आशीर्वाद के लिए, गेहूं के आटे में एक सिक्का, नमक में लौंग, चीनी में दालचीनी और चावल में हल्दी रखें। ये सरल उपाय आपके घर में समृद्धि लाते हैं और नकारात्मकता को दूर करते हैं, जिससे प्रचुरता सुनिश्चित होती है।