आगामी काळात राष्ट्रवादी काँग्रेसचा मुख्यमंत्री असणार असल्याचा संकल्प राष्ट्रवादीच्या वर्धापन दिनानिमित्त राष्ट्रवादीचे नेते धनंजय मुंडे यांनी केला आहे. यावेळी धनंजय मुंडे म्हणाले, की आज राष्ट्रवादी काँग्रेस पार्टीचा 25 वा वर्धापन दिन आहे आणि या निमित्ताने सबंध राज्यातच नाही तर देशातील अनेक भागात राष्ट्रवादीचा वर्धापन दिन साजरा केला जात आहे.
आमचे नेते शरद पवार यांच्या पक्षात सर्वांना स्थान दिले आहे. जसे छत्रपती शिवरायांनी रयतेला हवे असणार स्वराज्य निर्माण केले. त्याच पद्धतीने राष्ट्रवादी पक्ष हा शरद पवार यांनी उभा केला आहे. त्यामुळे आज वर्धापन दिन साजरा करत असताना, येणाऱ्या काळात राष्ट्रवादीचाच मुख्यमंत्री असणार आहे. असा संकल्प आम्ही केला आहे असे विधान राष्ट्रवादीचे नेते धनंजय मुंडे यांनी केले आहे.