लोकमत न्यूज नेटवर्क बीड : मराठा आरक्षण आंदोलनाचे नेते मनोज जरांगे पाटील यांना जीवे मारण्याची धमकी देणारी एक कथित ऑडिओ क्लिप सध्या सोशल मीडियावर व्हायरल होत आहे. या क्लिपमध्ये एक व्यक्ती दुसऱ्याला उघडपणे आव्हान देत म्हणते की, ‘मी स्वतः जरांगे पाटील यांना गोळ्या घालून ठार मारतो. कधी घालायच्या ते तू सांग, माझी बातमी कुठे द्यायची तेही तू ठरव; पण मी त्यांना जीवेच मारतो. एवढेच नाही तर तुलाही गोळ्या घालतो. आता हे खरं होतंय की नाही, तेच तू बघ.’ ही कथित ऑडिओ क्लिप नेमकी कधीची आहे आणि त्यातील बोलणाऱ्या व्यक्ती कोण आहेत, याची अद्याप कोणतीही अधिकृत माहिती समोर आलेली नाही.
विशेष म्हणजे, या गंभीर धमकीबाबत अद्याप पोलिस दप्तरी कोणतीही अधिकृत नोंद झाली नाही. मात्र, बुधवारी ही क्लिप वाऱ्यासारखी पसरल्याने संताप व्यक्त होत आहे. ही क्लिप जुनी आहे की ताजी, याबाबत साशंकता असली तरी जरांगे पाटील यांच्या सुरक्षेचा प्रश्न पुन्हा एकदा ऐरणीवर आला आहे.
Web Summary : Maratha reservation leader Manoj Jarange Patil received a death threat via a viral audio clip. An unidentified person claimed responsibility, sparking outrage. Police have not yet officially recorded the threat, raising concerns about Jarange Patil's security.
Web Summary : मराठा आरक्षण नेता मनोज जरांगे पाटिल को एक वायरल ऑडियो क्लिप के माध्यम से जान से मारने की धमकी मिली। एक अज्ञात व्यक्ति ने जिम्मेदारी का दावा किया, जिससे आक्रोश फैल गया। पुलिस ने अभी तक आधिकारिक तौर पर धमकी दर्ज नहीं की है, जिससे जरांगे पाटिल की सुरक्षा को लेकर चिंता बढ़ गई है।