माजलगाव: ऊस दराच्या मागणीसाठी माजलगाव मतदारसंघात सध्या शेतकऱ्यांकडून तीव्र आंदोलन सुरू आहे. मागील चार दिवसांपासून ऊस तोडणी बंद असल्याने साखर कारखाने बंद अवस्थेत आहेत. या पार्श्वभूमीवर माजलगाव मतदारसंघाचे आमदार प्रकाश सोळंके यांनी ऊस आंदोलकांना थेट चुकीचे ठरवत मोठे वक्तव्य केले आहे. यामुळे माजलगावमध्ये ऊस दराचा वाद आता राजकीय संघर्षात बदलत असल्याचे स्पष्ट झाले आहे.
आमदार सोळंके यांनी सांगितले की, ‘‘मतदारसंघात ऊस शिल्लक राहिल्यास याची जबाबदारी आंदोलकांवर राहील.’’ तसेच, आंदोलकांच्या मागण्या ‘अवास्तव’ असून एवढा भाव देणे कारखान्यांना अशक्य असल्याचे त्यांनी स्पष्ट केले. आमदार सोळंके यांनी खासगी कारखान्यांनी दिलेल्या ३ हजार रुपयांच्या भावाबाबत बोलताना सांगितले की, त्यांना कोणीही भांडवल पुरवू शकते, याचा अर्थ आम्हीही तेवढाच भाव द्यावा असे नाही. आम्ही ३२ वर्षांपासून एफआरपीपेक्षा जास्त भाव देण्याचा प्रयत्न करत असतो. सध्या चालू असलेले आंदोलन राजकीय असल्याचे सांगत आंदोलनाला वेगळे वळण दिले. कारखाने बंद करण्याचे काम आंदोलकांनी केले आहे, त्यामुळे ऊस शिल्लक राहिल्यास तेच जबाबदार राहतील, असे म्हणत आ. सोळंके यांनी आंदोलकांच्या मागणीला अप्रत्यक्ष विरोधच केल्याचे स्पष्ट झाले आहे.
आ. सोळंकेनी झटकले अंग, शेतकरी नाराजया वादातून अंग झटकण्याचा प्रयत्न आमदार सोळंके यांनी केला आहे. त्यांनी स्पष्ट केले की, ‘‘मी सध्या कारखान्याचा केवळ संचालक आहे. कारखान्याचे चेअरमन माझा मुलगा आणि व्हाइस चेअरमन पुतण्या असून, ते हा प्रश्न हाताळत आहेत व मी निवडणूक हाताळत आहे. ‘‘ऊस भावाबाबत सोळंके यांनी अशा प्रकारे हात झटकल्याने शेतकरी वर्गातून तीव्र नाराजी व्यक्त होत आहे.
शेतकरी नेत्यांकडून सोळंकेंवर टीकासोळंके यांच्या वक्तव्यावर शेतकरी नेते व शेतकरी संघर्ष समिती सदस्य भाई गंगाभीषण थावरे यांनी सडकून टीका केली आहे. उसावर पाच वेळा आमदार होणारे प्रकाश सोळंके यांनी ऊस उत्पादकांच्या हिताची जाणीव ठेवून वक्तव्य करावे. असे बेताल वक्तव्य केल्यास ऊस उत्पादक शेतकरी त्यांना त्यांची जागा दाखवणार आहेत. त्यांनी शेतकऱ्यांना वाढीव भाव न दिल्यास आम्ही त्यांच्या कारखान्यावर आंदोलन करणार आहोत, असे सांगितले.
Web Summary : MLA Solanke blames protestors for potential sugarcane surplus due to halted crushing. He deems their demands unrealistic, sparking political conflict. Farmers express discontent as Solanke distances himself from the issue, prompting criticism from farmer leaders who threaten factory protests if demands aren't met.
Web Summary : विधायक सोलंके ने गन्ना पेराई रोकने के कारण संभावित गन्ना अधिशेष के लिए प्रदर्शनकारियों को दोषी ठहराया। उन्होंने उनकी मांगों को अवास्तविक बताया, जिससे राजनीतिक संघर्ष भड़क गया। सोलंके के मुद्दे से खुद को दूर करने पर किसानों ने असंतोष जताया, जिससे किसान नेताओं की आलोचना हुई, जिन्होंने मांगें पूरी नहीं होने पर कारखाने में विरोध प्रदर्शन करने की धमकी दी।