-नितीन कांबळेकडा (जि. बीड): आई-वडिलांचा एकुलता एक आधार आणि दोन बहिणींचा लाडका भाऊ असलेल्या २० वर्षीय आदित्य शहाजी पानखडे याची मृत्यूशी सुरू असलेली १९ दिवसांची झुंज अखेर अपयशी ठरली. २८ डिसेंबर रोजी झालेल्या भीषण अपघातात गंभीर जखमी झालेल्या आदित्यचा गुरुवारी पहाटे अहिल्यानगर येथील रुग्णालयात उपचारादरम्यान मृत्यू झाला. या घटनेमुळे आष्टी तालुक्यातील देवीनिमगाव परिसरात शोककळा पसरली आहे.
अपघाताचा 'तो' भीषण थरार २८ डिसेंबर रोजी दुपारी आदित्य पानखडे आपली दुचाकी घेऊन कडा येथील आठवडी बाजारासाठी जात होता. यावेळी कड्याकडून धामणगावकडे जाणाऱ्या एका भरधाव चारचाकी वाहनाने (क्र. MH 23, BC 3737) आदित्यच्या दुचाकीला जोरदार धडक दिली. धडक इतकी भीषण होती की, चारचाकीने आदित्यच्या दुचाकीला सुमारे ५०० मीटर अंतरापर्यंत ओढत नेले. या भीषण अपघातात आदित्यच्या डोक्याला आणि शरीराला गंभीर इजा झाली होती.
गरीब कुटुंबावर कोसळली दुःखाची कुऱ्हाड अपघातानंतर आदित्यला तातडीने अहिल्यानगर (अहमदनगर) येथील खासगी रुग्णालयात दाखल करण्यात आले होते. अत्यंत गरीब परिस्थिती असलेल्या पानखडे कुटुंबाने आदित्यला वाचवण्यासाठी जीवाचे रान केले. मात्र, गेल्या १९ दिवसांपासून आयसीयूमध्ये मृत्यूशी झुंज देणाऱ्या आदित्यने गुरुवारी पहाटे अखेरचा श्वास घेतला. आदित्य हा घरातील एकुलता एक मुलगा होता. त्याच्या पश्चात आई, वडील आणि दोन बहिणी असा परिवार आहे. तरुण मुलाच्या अशा जाण्याने देवीनिमगावमधील प्रत्येक डोळा आज पाणावला आहे.
Web Summary : Aditya P., 20, died after a horrific accident on December 28th. A speeding car hit his bike, dragging him 500 meters. Despite treatment, he succumbed to his injuries, leaving his family devastated.
Web Summary : 28 दिसंबर को एक भयानक दुर्घटना में आदित्य पी. गंभीर रूप से घायल हो गए। तेज रफ्तार कार ने उसकी बाइक को 500 मीटर तक घसीटा। इलाज के बावजूद, उसकी चोटों के कारण मौत हो गई, जिससे उसका परिवार तबाह हो गया।