खाकी वर्दीचं स्वप्न उराशी बाळगून आलेल्या एका तरुणाचा पोलीस भरतीदरम्यान मृत्यू झाल्याची अत्यंत दुर्दैवी घटना बीडमध्ये घडली आहे. मैदानी चाचणीत धावताना अचानक चक्कर येऊन कोसळलेल्या या तरुणाचा मृत्यू झाला. या घटनेमुळे परिसरात शोककळा पसरली असून भरतीला आलेले तरुण हळहळ व्यक्त करत आहेत.
"भारत माता विकली"; संसदेत राहुल गांधी संतापले, अमेरिकेसोबतच्या ट्रेड डीलवर बोलताना म्हणाले...
बीड येथे सध्या पोलीस भरतीची प्रक्रिया सुरू आहे. आज मैदानी शारीरिक चाचणी सुरू असताना, १६०० मीटर धावण्याच्या फेरीत दीपक भास्कर वावळ हा तरुण सहभागी झाला होता. धावत असताना अचानक त्याला अस्वस्थ वाटू लागले, यावेळी तो अचानक चक्कर येऊन थेट मैदानावरच कोसळला.
प्रशासनाकडून तातडीने हालचाली
मैदानावर उपस्थित असलेल्या पोलीस अधिकाऱ्यांनी आणि वैद्यकीय पथकाने क्षणाचाही विलंब न लावता दीपकला बीड येथील शासकीय रुग्णालयात दाखल केले. मात्र, रुग्णालयात पोहोचण्यापूर्वीच त्याची प्रकृती खालावली होती. वैद्यकीय तपासणीनंतर डॉक्टरांनी त्याला मृत घोषित केले.
मृत दीपक वावळ हा परळी तालुक्यातील रहिवासी असल्याची प्राथमिक माहिती समोर आली आहे. आपल्या घरातील तरुण पोलीस होऊन येईल, अशी आशा असलेल्या त्याच्या कुटुंबावर या घटनेमुळे आभाळ कोसळले आहे.
Web Summary : A young man collapsed and died during police recruitment trials in Beed, Maharashtra. Deepak Vaval, participating in the 1600m run, fell unconscious. Doctors declared him dead on arrival at the hospital. He hailed from Parli, leaving his family devastated.
Web Summary : महाराष्ट्र के बीड में पुलिस भर्ती के दौरान एक युवक की दौड़ते समय गिरने से मौत हो गई। 1600 मीटर दौड़ में भाग ले रहे दीपक वावल अचानक बेहोश हो गए। अस्पताल पहुंचने पर डॉक्टरों ने उन्हें मृत घोषित कर दिया। वह परली के रहने वाले थे, उनके परिवार में मातम छाया है।