धारूर (बीड) : येथील महाराष्ट्र ग्रामीण बँकेच्या शाखेत पिक कर्जाचे अर्ज स्वीकारत नसल्याने एका शेतकऱ्याने शाखा व्यवस्थापकाच्या कार्यालयात विषारी द्रव्य प्राशन केल्याची धक्कादायक घटना बुधवारी दुपारी घडली. राजाभाऊ बंकट कांदे (40) असे शेतकऱ्याचे नाव असून त्याची प्रकृती गंभीर आहे.
जहागीरमोहा येथील शेतकरी राजेभाऊ कांदे हे येथील महाराष्ट्र ग्रामीण बँकेच्या शाखेत पिक कर्जासाठी वांरवांर चकरा मारत होते.मात्र, बँकेकडून त्यांचा अर्ज स्वीकारल्या जात नव्हता. यामुळे व्यथित झालेल्या कांदे यांनी बुधवारी दुपारी शाखाधिकाऱ्यांच्या कार्यालयात विषारी द्रव्य प्राशन केले. त्यांना तत्काळ खाजगी रुग्णालयात दाखल करण्यात आले आहे. कांदे यांच्यावर उपचार सुरु असून त्यांची प्रकृती गंभीर आहे.