बीड : परळीतील व्यापारी महादेव मुंडे यांच्या निघृण हत्येला दोन वर्षांहून अधिक काळ लोटल्यानंतर, आता या प्रकरणाचा तपास निर्णायक टप्प्यावर पोहोचला आहे. आयपीएस पंकज कुमावत यांच्या नेतृत्वाखालील एसआयटीने तांत्रिक पुराव्यांच्या अभावी आता वैज्ञानिक चाचण्यांवर भर दिला असून, बुधवारी मुंबईच्या रुग्णालयात दोन संशयितांची 'नार्को' तर एकाची 'ब्रेन मॅपिंग' चाचणी पार पडली.
'लोकमत महाराष्ट्रीयन ऑफ द इयर' कोण?... क्लिक करून आपलं मत नोंदवा!
पोलिस एसआयटीने एकूण सात जणांच्या नार्को टेस्टचा प्रस्ताव दिला होता, त्यापैकी सहा जणांना परवानगी मिळाली. पहिल्या टप्प्यात मुंडे यांच्याशी आर्थिक व्यवहार असलेल्या तिघांची चाचणी झाली. दुसऱ्या टप्प्यात ज्यांची चाचणी झाली, याशिवाय १२ साक्षीदारांची मानसशास्त्रीय तपासणीही करण्यात आली आहे. तसेच गेल्या सहा महिन्यांत एसआयटीने चौकशी, १५० संशयितांचे कॉल डिटेल्स आणि १५००हून अधिक लोकांच्या माहितीचे विश्लेषण केले आहे.
पिग्मी एजंट असल्याने पैशांचा व्यवहार, प्लॉटिंग वाद की वैयक्तिक वैमनस्य, अशा सर्व कोनातून तपास सुरू आहे. संशयित गोट्या गिते अजूनही फरार असून, मकोका अंतर्गत त्याची चौकशी अद्याप बाकी आहे. आता या सर्व वैज्ञानिक चाचण्यांचे अहवाल प्राप्त झाल्यानंतरच महादेव मुंडे यांच्या हत्येचे गूढ उकललेल.
Web Summary : Two years after the Mahadev Munde murder, scientific tests are underway. Narco and brain mapping tests were conducted on suspects in Mumbai. The SIT investigates financial dealings, plotting disputes, and personal grudges. Key suspect Gitya Gite remains at large; the mystery awaits test results.
Web Summary : महादेव मुंडे हत्याकांड के दो साल बाद, वैज्ञानिक परीक्षण जारी हैं। मुंबई में संदिग्धों पर नार्को और ब्रेन मैपिंग टेस्ट किए गए। एसआईटी वित्तीय व्यवहार, साजिश विवादों और व्यक्तिगत दुश्मनी की जांच कर रही है। मुख्य संदिग्ध गोट्या गीते अभी भी फरार; रहस्य परीक्षण परिणामों का इंतजार कर रहा है।