केज (जि. बीड): तालुक्यातील चिंचोलीमाळी येथील मगर वस्तीवर राहणाऱ्या अनुजा सूर्यकांत मावकर (वय १५) या विद्यार्थिनीने मंगळवारी (७ एप्रिल) रात्री राहत्या घरी गळफास घेऊन आत्महत्या केली. नुकतीच दहावीची परीक्षा दिलेल्या अनुजाचा गावातीलच अक्षय भगवान काळे (वय २७) हा ट्रॅक्टर चालक गेल्या एक वर्षापासून सतत पाठलाग करून तिला मानसिक त्रास देत होता. या छळाला कंटाळून अनुजाने टोकाचे पाऊल उचलले. बुधवारी अनुजाचे वडील सूर्यकांत मावकर यांनी दिलेल्या फिर्यादीवरून केज पोलिसांनी आरोपी अक्षय काळेविरुद्ध गुन्हा दाखल केला आहे.
शाळा बदलली तरी छळ सुरूचअनुजा गेल्या वर्षी नववीत असतानापासूनच अक्षय काळे तिचा पाठलाग करत होता. या त्रासामुळे तिच्या नातेवाईकांनी तिला दहावीसाठी केज येथील सरस्वती कन्या शाळेत प्रवेश मिळवून दिला होता आणि तिची राहण्याची सोय वारकरी शिक्षण संस्थेत केली होती. मात्र, नराधम अक्षय तिथेही तिचा पाठलाग करत होता. मंगळवारी सायंकाळी अनुजाचे आई-वडील शेतात गेलेले असताना अक्षयने मगर वस्तीवर येऊन पुन्हा तिला बोलण्याचा प्रयत्न केला. या प्रकारामुळे अनुजा प्रचंड तणावाखाली होती.
रात्री १० वाजता संपवली जीवनयात्रामंगळवारी रात्री सर्वांचे जेवण झाल्यानंतर अनुजाने आपल्या खोलीत जाऊन आतून कडी लावून घेतली आणि ओढणीच्या सहाय्याने छताच्या हुकला गळफास घेतला. रात्री ११ वाजेच्या सुमारास हा प्रकार उघडकीस येताच कुटुंबीयांनी एकच हंबरडा फोडला. पोलिसांनी घटनास्थळी भेट देऊन पार्थिव केज उपजिल्हा रुग्णालयात हलवले. पोलीस निरीक्षक स्वप्नील उनवणे यांच्या मार्गदर्शनाखाली पोलीस उपनिरीक्षक सुकुमार बनसोडे या प्रकरणाचा पुढील तपास करत आहेत.
Web Summary : A 15-year-old girl in Beed, harassed by a tractor driver for a year, committed suicide. Despite changing schools to escape the stalker, the harassment persisted, leading to her tragic death. Police have registered a case against the accused.
Web Summary : बीड में एक 15 वर्षीय लड़की, जो एक ट्रैक्टर चालक द्वारा एक साल से प्रताड़ित थी, ने आत्महत्या कर ली। पीछा करने वाले से बचने के लिए स्कूल बदलने के बावजूद, उत्पीड़न जारी रहा, जिसके कारण उसकी दुखद मौत हो गई। पुलिस ने आरोपी के खिलाफ मामला दर्ज कर लिया है।