कोरिया ओपन बॅडमिंटन: किदाम्बी श्रीकांत, समीर दुसऱ्या फेरीत

कोरिया ओपन मास्टर्स बॅडमिंटन स्पर्धेत भारताची शानदार सुरुवात

ग्वांगझू : कोरिया ओपन मास्टर्स बॅडमिंटन स्पर्धेत भारताने शानदार सुरुवात केली. किदाम्बी श्रीकांत आणि समीर वर्मा यांनी बुधवारी पुरुष एकेरीची दुसरी फेरी गाठली.सहावा मानांकित श्रीकांतने हाँगकाँगचा वोंग विंगकी विन्सेंट याच्यावर २१-१८,२१-१७ ने मात केली. जागतिक क्रमवारीतील माजी अव्वल खेळाडू श्रीकांतचा हाँगकाँगच्या खेळाडूविरुद्धचा जय- पराजयाचा रेकॉर्ड ११-३ असा आहे. त्याची पुढील लढत जपानचा केंता सुनेयामा याच्याविरुद्ध होईल. समीरविरुद्ध जपानचा काजुमासा सकाई याने ही लढत अर्ध्यावर सोडून दिली. त्यावेळी समीर ११-८ ने पुढे होता. समीर दुसºया फेरीत डोंगूनविरुद्ध खेळणार आहे.त्याचवेळी, सौरभ वर्मा याला मात्र पहिल्याच सामन्यात पराभवाचा धक्का बसला. स्थानिक खेळाडू किम डोंगून याने सौरभवर २१-१३, १२-२१, १३-२१ ने मात केली. (वृत्तसंस्था)