नवी दिल्ली : टाटा मोटर्सने अधिकृतपणे आपल्या नवीन नेक्सॉन फेसलिफ्ट एसयूव्हीसाठी प्री-बुकिंग सुरू केली आहे. ग्राहक ही एसयूव्ही ऑनलाइन किंवा टाटा मोटर्सच्या अधिकृत डीलरशिपद्वारे बुक करू शकतात. कंपनी ही कॉम्पॅक्ट एसयूव्ही 14 सप्टेंबरला लाँच करणार आहे. तर या कारचे इलेक्ट्रिक मॉडेल 7 सप्टेंबरला रोजी लाँच होणार आहे.
डिझाईन 2023 टाटा नेक्सॉन स्मार्ट, प्युअर, क्रिएटिव्ह आणि फेअरलेस अशा 4 ट्रिम लेव्हलमध्ये आणले जाणार आहे. नवीन मॉडेलमध्ये अनेक डिझाईन अपडेट्स आणि नवीन इंटीरियर मिळते. मात्र, कारच्या इंजिन ऑप्सनमध्ये कोणताही बदल करण्यात आलेला नाही. या एसयूव्हीला एक नवीन फ्रंट फॅसिआ देण्यात आला आहे, जो 2023 ऑटो एक्सपोमध्ये अनावरण केलेल्या कर्व्ह एसूव्हीवरून प्रेरित आहे. यामध्ये एक स्मूथ ग्रिल, एलईडी डीआरएल आणि खालच्या बंपरवर व्हर्टिकल स्टॅक्ड एलईडी प्रोजेक्टर हेडलॅम्प देण्यात आले आहेत. यामध्ये पूर्णपणे नवीन रीअर प्रोफाइल मिळते, ज्यामुळे नवीन टेलगेट आणि कनेक्ट केलेल्या लाइट बारसह नवीन एलईडी टेल-लाइट्स देखील मिळतात.
इंटीरियर आणि फीचर्सटाटा नेक्सॉनला पूर्णतः अपडेटेड डॅशबोर्ड लेआउट आणि नवीन इंटीरियर स्कीमसह संपूर्ण नवीन इंटीरियर लेआउट मिळतो. याला टाटा लोगोसह एक नवीन 2-स्पोक फ्लॅट-बॉटम स्टीयरिंग व्हील मिळते. या एसयूव्हीमध्ये एक अपडेट अपहोलस्ट्री आणि क्लायमेट कंट्रोल, लॉक आणि अनलॉक बटणांसाठी अपडेटेड अपहोल्स्ट्री आणि टच-आधारित पॅनेल आहे. तसेच, या कारला 10.25-इंच फ्री-स्टँडिंग टचस्क्रीन इन्फोटेनमेंट सिस्टम आणि वायरलेस Android Auto आणि Apple CarPlay सह 10.25-इंच डिजिटल इन्स्ट्रुमेंट कन्सोल देण्यात आला आहे. याशिवाय, 6 एअरबॅग, 360 डिग्री कॅमेरा, ईबीडीसह एबीएस आणि फ्रंट पार्किंग सेन्सर सारखे सेफ्टी फीचर्स मिळतात.
इंजिन टाटा नेक्सॉनला दोन इंजिन ऑप्शनसह मार्केटमध्ये आणले जाणार आहे. यामध्ये एक 1.2-लीटर 3-सिलिंडर टर्बोचार्ज्ड पेट्रोल आणि एक 1.5-लीटर 4-सिलिंडर टर्बो डिझेलचा समावेश आहे. जो अनुक्रमे 120 PS/170 Nm आणि 115PS/260 Nm चे आउटपुट जनरेट करतो. ट्रान्समिशन ऑप्शनमध्ये 5-स्पीड मॅन्युअल, 6-स्पीड मॅन्युअल, 6-स्पीड AMT आणि 7-स्पीड DCT समाविष्ट आहे. डिझेलमध्ये 6 मॅन्युअल आणि एएमटीचा ऑप्शन मिळतो, तर पेट्रोल इंजिनसह 4 गिअरबॉक्सचा ऑप्शन देण्यात आला आहे. दरम्यान, किंमतीबाबत बोलायचे झाल्यास नवीन नेक्सॉनची किंमत 8 लाख ते 15 लाख रुपयांच्या दरम्यान असण्याची शक्यता आहे. तसेच, ही एसयूव्ही Hyundai Venue, Kia Sonet, Mahindra XUV300 सारख्या सेगमेंटमधील इतर कारसोबत स्पर्धा करू शकते.