नवी कोरी Maruti Brezza लॉंचसाठी सज्ज! फक्त ५ हजारात बुकिंग; पाहा, भन्नाट फिचर्स

मारुतीची नवीन ब्रेझा २०२२ लॉंचसाठी सज्ज झाली असून, कोणते नवे फिचर्स मिळू शकतील? पाहा, डिटेल्स...

नवी दिल्ली: भारतात वाहन निर्मितीत आघाडीवर असलेली स्वदेशी कंपनी म्हणजे Maruti Suzuki. या कंपनीच्या अनेकविध कार प्रचंड लोकप्रिय झालेल्या आहेत. यातच आता मारुती सुझुकीची New Vitara Brezza 2022 ही कार लॉंचसाठी सज्ज झाली आहे. जून महिन्याच्या शेवटी म्हणजेच २९ किंवा ३० तारखेला या कारला लॉंच केले जाऊ शकते, असे सांगितले जात आहे. दरम्यान, काही डिलर्सकडे ५ हजार रुपयांच्या टोकन रकमेवर ग्राहकांनी कार बुकिंग सुरू केले असून, अनेक डिलरशिपकडे नवीन कार पोहोचली असल्याची माहिती देण्यात आली आहे. 

नवीन विटारा ब्रेझाच्या डिझाईनमध्येही बदल पाहायला मिळतील. नवीन ग्रिल, बंपर आणि हेडलाइट डिझाइन व्यतिरिक्त, याला हुडवर नवीन क्लॅमशेल स्टाइलिंग आणि नवीन फ्रंट फेंडर्स मिळतील. या कॉम्पॅक्ट एसयूव्हीच्या मागील दरवाजामध्ये बदल पाहण्यात आले आहेत. नवीन ब्रेझाला नवीन रॅपराउंड टेललाइट्स आणि पुन्हा डिझाइन केलेले बंपर मिळतात. नवीन जनरेशन ब्रेझा पेट्रोल प्रकारात आणण्याव्यतिरिक्त, मारुती सुझुकी लवकरच त्याचे CNG व्हेरिएंटही सादर करणार आहे. म्हणजेच ज्या ग्राहकाला या एसयुव्ही (SUV) मधून जास्त मायलेज हवे असेल, त्याला त्याचा पर्याय मिळेल.

सनरूफ आणि ३६०-डिग्री कॅमेरासह अनेक अत्याधुनिक फिचर्स

ब्रेझा २०२२ च्या इंटिरिअरलाही एक फ्रेश लुक देण्यात आल्याचे सांगितले जात आहे. नवीन ब्रेझा सनरूफ आणि ३६०-डिग्री कॅमेरासह येईल. काही रिपोर्ट्सनुसार, कंपनी एसयूव्हीच्या टॉप-एंड प्रकारांमध्ये कनेक्टेड कार टेक, वायरलेस चार्जिंग सिस्टम, पॅडल शिफ्टर्स यांसारखी फीचर्स देऊ शकते. यासोबतच स्मार्टफोन सपोर्टसह सर्व-नवीन फ्री स्टँडिंग इन्फोटेनमेंट सिस्टम, ऑटोमॅटिक एसी युनिट आणि सर्व-नवीन डिजिटल इन्स्ट्रुमेंट क्लस्टर इंटीरियरमध्ये दिले जातील. नवीन कॉम्पॅक्ट एसयूव्हीची एक्स-शोरूम किंमत ८ लाख रुपयांपासून सुरू होऊ शकते.