नवी दिल्ली : जीप इंडिया देशात पाच वर्षे पूर्ण झाल्याचा आनंदोत्सव साजरा करत आहे. या निमित्ताने, कंपनीने आपल्या लोकप्रिय SUV जीप कंपासची 5 वी एनिव्हर्सरी एडिशन (Jeep Compass 5th Anniversary Edition) लॉन्च केली आहे. यामध्ये एक स्टँडर्ड मॉडेलपेक्षा वेगळे बनवण्यासाठी अनेक अतिरिक्त फीचर्स देण्यात आली आहेत.
यामध्ये 5 वी एनिव्हर्सरी बॅजिंग आणि व्हीलला नवा रंग देण्यात आला आहे. या कारला 2000 cc चे पॉवरफुल इंजिन देण्यात आले आहे. फीचर्सच्या रूपात, 10.2-इंच इन्फोटेनमेंट सिस्टम, 6 एअरबॅग्ज, 4X4 सुविधा मिळते. कंपनीने एसयूव्हीची बुकिंग सुरू केली असून, लवकरच या कारची किंमत जाहीर केली जाईल.
कंपासच्या एनिव्हर्सरी एडिशनमध्ये ग्रॅनाइट क्रिस्टल फिनिशसह 18-इंच अलॉय व्हील देण्यात आले आहेत. यात न्यूट्रल ग्रे अॅक्सेंट बॅजिंगसह मिरर आणि न्यूट्रल ग्रे रिंगसह नवीन ग्लॉस ब्लॅक ग्रिल देखील मिळतो. 5 व्या एनिव्हर्सरीचे बॅजिंग आत आणि बाहेरही पाहिले जाऊ शकते. आतील लेदर सीटला हलके टंगस्टन अॅक्सेंट स्टिचिंग मिळते.
इंटीरिअर आणि फीचर्स5 व्या एनिव्हर्सरी एडिशन कंपास टॉप व्हेरिएंटवर आधारित नाही, तरीही त्यामध्ये फीचर्सची एक लांबलचक लिस्ट आहे. ड्युअल-पॅनोरामिक सनरूफ, ऑटो एलईडी हेडलॅम्प, 10.1-इंचाचा इन्फोटेनमेंट टचस्क्रीन डिस्प्ले, 7-इंचाचा ड्रायव्हर डिस्प्ले, पॉवर्ड टेलगेट यांसारखे फीचर्स यात देण्यात आले आहेत. मात्र, यात पॉवर्ड फ्रंट पॅसेंजर सीट, 10.2-इंच डिजिटल ड्रायव्हर डिस्प्ले आणि 360-डिग्री व्ह्यू कॅमेरा यासारख्या फिचर्सचा अभाव आहे.
इंजिन आणि ट्रांसमिशनजीप पेट्रोल आणि डिझेल दोन्ही इंजिनसह कंपास ऑफर करत आहे. 1.4-लिटर टर्बो-पेट्रोल 7-स्पीड ड्युअल क्लच ऑटोशी जोडलेले आहे, तर 2-लीटर डिझेलला 6-स्पीड मॅन्युअल मिळते. 9-स्पीड ऑटोमॅटिक वापरून डिझेल इंजिन 4WD सह देखील दिले जाते. CarDekho रिपोर्टनुसार, या एसयूव्हीची किंमत 25.24 लाख रुपयांपासून सुरू होते आणि 28.24 लाख रुपयांपर्यंत (एक्स-शोरूम) जाते.