Citroen C3 Compact SUV India Launch Price Features: फ्रान्सची पॉप्युलर ऑटोमोबाईल कंपनी Citroen ने भारतात काही महिन्यांपूर्वी Citroen C5 Aircross SUV लाँच केली आहे. यानंतर त्यापेक्षा छोटी कॉम्पॅक्ट एसयुव्ही Citroen C3 लाँच करणार आहे. येत्या 16 सप्टेंबरला यावरून पडदा उठेल. (Citroen C3 Compact SUV India Launch soon; 10 lakhs price, flex fuel.)
ही कार अमेरिका, युरोपच्या बाजारातही याच दिवशी लाँच केली जाणार आहे. सिट्रोएन सी3 भारतात 10 लाख रुपयांपेक्षा कमी किंमतीत लाँच होण्याची शक्यता आहे. यामुळे ही कार Tata Nexon, Kia Sonet, Maruti Brezza आणि Hyundai Venue सारख्या कॉम्पॅक्ट एसयुव्हीला टक्कर देणार आहे.
Citroen ने भारतात आपली नवीन कॉम्पॅक्ट एसयुव्ही लाँचिंगचे इन्वाईट पाठविले आहे. यामध्ये लिहिले आहे की, 16 सप्टेंबरला Citroen C3 Compact SUV अनईव्हिल केली जाईल. या एसयुव्हीचे उत्पादन भारतातच करण्यात येणार असून पुढील वर्षी 2022 पासून ती बाजारात विक्रीसाठी उतरवली जाईल. Citroen C5 Aircross ची सध्या विक्री केल जात आहे, मात्र याची किंमत खूपच जास्त आहे. सिट्रोएनने दर महिन्याला 2,750 युनिट Citroen C3 च्या उत्पादनाचा प्लॅन आखला आहे. दर वर्षी 33,000 युनिट बनविली जाणार आहेत. या वर्षी डिसेंबरमध्ये याचे उत्पादन सुरु होईल.
Citroen C3 compact SUV ची स्केल मॉडेल इमेज आधीच समोर आली आहे. यामध्ये ही कार खूप स्पोर्टी आणि स्टायलिश दिसत आहे. Citroen C3 Aircross आणि Citroen C5 Aircross या दोन धांसू कारची झलक या कारमध्ये दिसू शकते. यामध्ये सिग्नेचर वाइड ग्रिल, ड्युअल लेयर हेडलँप, अँग्युलर विंडशील्ड, फ्लॅट रूफसोबत बंपर आणि रुफवर ऑरेंज लेयर आणि ड्युअल टोन डायमंड कट अलॉय व्हील देण्यात येतील. यामध्ये यूजर्स कंफर्ट पाहिला जाणार आहे.
Citroen C3 compact SUV मध्ये 8 इंचाची फ्री-स्टँडिंग टचस्क्रीन इन्फोटेनमेंट सिस्टम, 12.3 इंचाची डिजिटल इंस्ट्रूमेंट क्लस्टर, स्मार्टफोन कनेक्टिव्हीटी, मल्टी फंक्शनल स्टीयरिंग व्हील सारखे फिचरसोबत 1.2 लीटरचे टर्बोचार्ज्ड पेट्रोल इंजिन मिळेल. हे इंजिन 130bhp ची ताकद प्रदान करेल. 5 स्पीड मॅन्युअल गिअरबॉक्स आणि DCT ऑटोमॅटिक गियरबॉक्स दिला जाईल. भारतातील ही पहिली Flex-Fuel system ची कार असू शकते.