बीएमडब्ल्यूने (BMW) भारतामध्ये आपले X3 एसयूव्हीचे स्पोर्टी व्हर्जन लॉन्च केले आहे. या व्हर्जनला कंपनीने BMW X3 M40i नाव दिले आहे. यात पॉवरफुल इंजिनसह आकर्षक डिझाइन देण्यात आले आहे. ही कार भारतात कंप्लिटली बिल्ट युनिट (CBU) स्वरूपात आणली जाईल. कंपनीने 5 लाख रुपयांत हिची बुकिंग देखील सुरू केली आहे. अर्थात 5 लाख रुपयांतच आपण ही कार बुक करू शकता. हिची आजची सुरुवातीची किंमत 86.50 लाख रुपये (एक्स-शोरूम, भारत) एवढी आहे. विशेष म्हणजे ही कार मर्यादित संख्येतच भारतीय बाजारात आणली जाईल.
कशी आहे BMW X3 M40i - ही SUV M340i सेडानच्या इंजिनने सुसज्ज आहे. हे इंजिन 3.0 लिटर, 6 सिलिंडर इन-लाइन पेट्रोल इंजिन आहे. या इंजिनची पॉवर 355 बीएचपी एवढी आहे आणि पीक टॉर्क 500 एनएम एवढा आहे. यात 8-स्पीड ऑटोमॅटिक स्टेपट्रॉनिक स्पोर्ट ट्रान्समिशन आहे. जे पॅडल शिफ्टर्ससह येते. सर्वात महत्वाची गोष्ट म्हणजे, केवळ 4.9 सेकंदांत 0 ते 100 किमी प्रति तास एवढा स्पीड धारण करण्याची या कारची क्षमता आहे, तसेच हिची टॉप स्पीड 250 किमी प्रति तास एवढी आहे, असा दावा बीएमडब्ल्यूने केला आहे.
बीएमडब्ल्यू X3 M40i स्पोर्ट्स व्हर्जन एम स्पोर्ट पॅकेजसह येते. ही कार M-स्पेशल किडनी ग्रिल, हेडलाइट्स, विंग मिरर आणि डुअल-टोन, 20-इंचांच्या अलॉय व्हीलसह येते. ही कार पांढऱ्या आणि काळ्या रंगांच्या पर्यायांसह उपलब्ध होईल. हिच्या इंटीरिअरमध्ये कार्बन फायबरचा वापर करण्यात आला आहे. जो पूर्णपणे मोटर स्पोर्ट 'M' थीमवर बेस्ड आहे. या कारसोबत M लेदर स्टिअरिंग व्हील, M कलर्समध्ये काँट्रास्ट स्टिचिंग, अॅम्बिएंट लायटिंग आणि 3-झोन ऑटोमॅटिक क्लायमेट कंट्रोलसारखे अनेक फीचर्स देण्यात आले आहेत. या कारमध्ये मेमोरी फंक्शन, पॅनोरमिक ग्लास रूफ आणि वेलकम लाइट कारपेट सारख्याही सुविधा असतात.
एक्स3 मध्ये 12.3 इंचांचे टचस्क्रीन, 12.3 इंचांचे डिजिटल इंस्ट्रूमेंट क्लस्टर, पॅनोरमिक सनरूफ, वायरलेस चार्जिंग, एम्बिएंट लायटिंग, क्लायमेट कंट्रोल, हेड-अप डिस्प्ले सारख्या सुविधाही आहेत. या शिवाय, या कारमध्ये अॅडप्टिव्ह सस्पेंशन, व्हेरिएबल स्पोर्ट स्टिअरिंग, परफॉरमन्स कंट्रोल डिफरेंशिअल लॉक आणि एम स्पोर्ट ब्रेक सारखी वैशिष्ट्येही असतात. या सुविधा देऊन या कारला स्पोर्टी बनविले जाते.