जर्मनीची लक्झरी कार उत्पादक कंपनी ऑडीनं भारतात Audi Q5 2021 फेसलिफ्ट लाँच केली आहे. Audi Q5 मध्ये यापूर्वी प्रमाणेच डिझाईन पॅटर्न पाहायला मिळत असलं तर शक्तीशाली इंजिन आणि नफ्या फीचर्सचाही यात समावेश करण्यात आला आहे. Audi Q5 मध्ये 2.0 लीटरचे TFSI इंजिन देण्यात आले असून ही कार प्रीमिअम प्लस आणि टेक्नॉलॉजी या दोन व्हेरिअंटमध्ये येते. याशिवाय ही कार पाच कलर ऑप्शन्समध्येही पाहायला मिळते. ही कार ब्लू, आयबिस व्हाईट, मिथॉस ब्लॅक, फॉरेस्ट सिल्व्हर आणि मॅनहॅट्टन ग्रे या रंगांमध्ये उपलब्ध आहे. नव्या फेसलिफ्ट Audi Q5 ची स्पर्धा मर्सिडिज बेन्झ जीएलसी क्लास, बीएमडब्ल्यू एक्स 3 आणि लँड रोवर डिस्कव्हरी स्पोर्ट्सशी होईल.
Audi Q5 मध्ये पहिल्याप्रमाणेच डिझाईन पॅटर्न पाहायला मिळतंय. यात अॅक्टॅगनल ग्रिल, नवं बम्पर, नवे एलईडी हेड आणि टेल लँप, १७ इंचाचे अलॉय व्हिल्स देण्यात आले आहे. ग्रिलवर क्रोम गार्निश आणि स्किड प्लेट, रुफ रेल्स आणि फॉगलँप्सवर सिल्व्हर एक्सेंटही पाहायला मिळतं. इन्फोटन्मेंटसाठी Audi Q5 2021 फेसलिफ्टमध्ये अॅडव्हान्स्ड कंट्रोल पॅनल देण्यात आलं आहे. यात डिजिटल कॉकपिट इन्स्ट्रूमेंट क्लस्टरसोबत 10 इंचाचा टचस्क्रिनही देण्यात आलाय.
किंमत आणि कनेक्टिव्हीटीकनेक्टिव्हीटीसाठी या कारमध्ये Androic Auto आणि Apple CarPlay देण्यात आलं आहे. याशिवाय योसोबत Amazon Alexa सपोर्टही देण्यात आलाय. या कारमध्ये सनरुफचीही सुविधा असेल. अन्य फीचर्सबद्दल सांगायचं झाल्यास यात ऑडी पार्क असिस्ट, सेन्सर कंट्रोल्ड बूट लीड, वायरलेस चार्जिंगसोबत ऑडी फोन बॉक्स आणि 19 स्पीकर B&O प्रीमियम 3D साउंड सिस्टम देण्यात आलंय. Audi Q5 प्रीमियम प्लसची किंमत 58,93,000 रुपये आणि टेक्नोलॉजीची किंमत 63,77,000 रुपये एक्स शोरूम इतकी आहे. सुरक्षेच्या दृष्टीनं यात आठ एअरबॅग्सही देण्यात आल्या आहे. विशेष म्हणजे या कारमध्ये रिअर साईड एअरबॅग्सचाही समावेश आहे.
Audi Q5 इंजिनAudi Q5 2021 मध्ये कम्फर्टसह उत्तम ड्रायव्हिंग एक्सपिरिअन्स मिळणार असल्याचा दावा कंपनीनं केला आहे. या कारमद्ये 2.0 लिटर टीएफएसआय पेट्रोल इंजिन देण्यात आलंय. हे इंजिन 249hp पॉवर आणि 370Nm चा टॉर्क जनरेट करतं. या शक्तीशाली इंजिनमुळे ही कार केवळ 6.3 सेकंदात 100 किमी प्रति तासाचा वेग पकडू शकते. या कारमध्ये क्वाट्रो ऑल व्हिल ड्राईव्ह टेक्नॉलॉडी आणि डॅपल कंट्रोलसोबत सस्पेन्शन सिस्टम देण्यात आलं आहे. या कारचा सर्वाधिक स्पीड 237Kmph इतका आहे.