धामणगाव मतदारसंघात आणखी दोन रेल्वे उड्डाण पुलाला मंजुरात

फोटो - भगोले २३ एस

* * * * * * * * *अंदाजे सहाशे कोटीचे कामाला मंजुरात

*माजी आ.वीरेंद्र जगताप यांचे प्रयत्न

चांदुर रेल्वे :- धामणगाव विधानसभेतील धामणगाव आणि चांदुर रेल्वे शहरातील महत्वाचे उड्डाण पूल मंजुरीनंतर आता पुन्हा नव्या दोन रेल्वे उड्डाण पूलाला मंजुरात मिळविण्यात माजी आमदार वीरेंद्र जगताप यांना यश मिळाले असून त्या सोबत बहुचर्चित चांदुर रेल्वे ते कुऱ्हा रस्त्याच्या बांधकामालाही मंजुरात मिळाली आहे, विशेष म्हणजे कोरोना काळानंतर प्रथमताच मंजुरात मिळून लवकरच हे कामे सुरू होत असल्याची माहिती माजी आमदार वीरेंद्र जगताप यांनी पत्रकार परिषदेत दिली.

अर्थसंकल्पीय अधिवेशन मार्च 2020 या बजेट मध्ये मतदार संघातील अंदाजे 600 कोटी रुपयांचे कामाला मंजुरात मिळाली आहे त्यात चांदुर रेल्वे येथून जाणाऱ्या अमरावती वर्धा बायपास वरील रेल्वे उड्डाण पूल, मंगरूळ दस्तगीर ते पुलंगाव रस्त्यावरील चिंचोली ते ओकनाथ गावातील रेल्वे मार्गावरील रेल्वे उड्डाण पुलाचा समावेश आहे, यासोबत नागपूर या उपराजधानीला जोडणारा तिवसा मार्गावरील चांदुर रेल्वे- कुऱ्हा रोडचेही बांधकाम होणार असून नांदगाव खंडेश्वर ते राजुरा रस्ता, चांदुर-सोनगाव, बग्गी- राजुरा, या 19 किमी लांबी च्या 5 कोटी रुपये खर्चाचा रस्ता मंजूर झाला असल्याचे प्रा जगताप यांनी सांगितले. सोबतच नांदगाव खंडेश्वर तालुक्यातील धानोरा गुरव ते पापड, वाढोना, हा 21 किमी लांबीचा रस्ता दुरुस्तीसाठीही 2 कोटी, तर नांदगाव ते सावनेर, मोखड, मांजरी म्हसला, रस्त्यावरील पुलाच्या कामासाठी 75 लाखाचा निधी मंजूर झाल्याचे सांगण्यात आले.तर नांदगाव तालुक्यातील जनुना, येथे लोणी, मोरगाव जनुना रस्त्यावर 2 कोटी 25 लक्ष रुपयांच्या पुलाचे काम मंजूर झाले आहे. तसेच आशियाई विकास बँकेमार्फत अर्थसहाय्यीत असलेल्या अंजनवती - अंजनसिंगी जुना धामणगाव, देवगाव या रस्त्याच्या 233 कोटी रुपयांच्या कामाला सुरुवात झाली असून या रस्त्याचे काम दीड वर्षात पूर्ण होणार असल्याचे ही या पत्रकार परिषदेत प्रा जगताप यांनी सांगितले तर तळेगाव दशासर या रस्त्यावरील 20 किमी लांबीचा 60 कोटी किमतीचे काम ही सुरू झाले असून सदर काम एक वर्षात पूर्ण झाले आहे. तसेच चांदुर रेल्वे, धामणगाव रेल्वे व नांदगाव खंडेश्वर तालुक्यातील वेगवेगळ्या रस्त्यांची राज्य महामार्ग व प्रमुख जिल्हा महामार्ग यांची दुरुस्ती व सुधारणा करणे या साठी 4 फेब्रुवारी 2020 रोजी सार्वजनिक बांधकाम मंत्री अशोक चव्हाण यांची भेट घेतली होती त्यानुसार विधानभवनात बैठक घेऊन मतदार संघातील कामे मंजूर करून घेतल्याचे या पत्रकार परिषदेत सांगितले. हे सर्व कामे मंजूर केल्याबद्दल सार्वजनिक बांधकाम मंत्री अशोक चव्हाण, पालकमंत्री यशोमती ठाकूर यांचे मतदार संघाच्या जनतेच्या वतीने माजी आमदार वीरेंद्र जगताप यांनी आभार मानले.