------------------------------------------------------------------------------------
युवकाकडून चाकू जप्त
बडनेरा : नवीवस्तीतील बगीया टी-पाॅईंट येथे शुक्रवारी नाकेबंदीदरम्यान एका युवकाच्या झडतीत पोलिसांना त्याच्याकडे धारदार चाकू आढळला. अमित गणेश महाजन (२९, रा. आष्टी जि. वर्धा) असे आरोपीचे नाव आहे. चाकूसह दुचाकी व मोबाईल असा एकूण ४३,५०० रुपयांचा मुद्देमाल जप्त करून पोलिसांनी गुन्हा नोंदविला.
--------------------------------------------------------------------------------
संशयित आरोपीला अटक
अमरावती : कपिल विनोद स्वर्गे (२३, रा. बेनोडा भीमटेकडी) याला संशयास्पद स्थितीत फिरताना फ्रेजरपुरा पोलिसांनी अटक केली. ही कारवाई रविवारी संजय गांधीनगरात करण्यात आली. त्याच्याविरुद्ध गुन्हा नोंदविण्यात आला आहे.
-------------------------------------------------------------------------------
तडीपार आरोपीला अटक
अमरावती : तडीपार करण्यात आलेला सुरेश छाडूृ निखरे (५०, रा. लक्ष्मीनगर) याला कोम्बिंग ऑपरेशनमध्ये त्याच्या घरून अटक करण्यात आली. ही कारवाई १२ डिसेंबर रोजी करण्यात आली. याप्रकरणी गाडगेनगर पोलिसानी गुन्हा नोंदविला.
------------------------------------------------------------------------------------
तोंडाला मास्क न लावल्याने गुन्हा
अमरावती : पानटपरीवर तोंडाला मास्क न लावता प्रमाणापेक्षा जास्त इसम उभे होते. याप्रकरणी गस्तीवरील गाडगेनगर पोलिसांनी पानटपरीचालकाविरुद्ध रविवारी गुन्हा नोंदविला.