१५६२ शाळांना सादील खर्चासाठी निधी मंजूर

अमरावती : जिल्हा परिषदेच्या शाळांना सन २०२०-२१ या वर्षासाठी चार टक्के सादील अंतर्गत १ कोटी ३० लाख ४४ हजार रुपये एवढी तरतूद उपलब्ध करून देण्यात आली आहे. याबाबतचा आदेश १२ फेब्रुवारी रोजी प्राथमिक शिक्षण विभागाने मुख्य कार्यकारी अधिकारी यांच्या मान्यतेने जारी केला आहे. सदरचा निधी जिल्हा परिषदेच्या १५६२ शाळांना मिळणार आहे. शिक्षण विभागाने सादीलकरिता दिलेली रक्कम ही ठरवून दिलेल्याच उपाययोजनांवर खर्च करावी लागणार आहे.

प्राथमिक शिक्षण विभागाने चार टक्क्यांप्रमाणे उपलब्ध करून दिलेल्या रकमेतून शाळा इमारत, स्वच्छतागृहांची देखभाल व दुरुस्ती, वैयक्तीक स्वच्छतेसाठी लागणारी आवश्यक सामग्री, इंटरनेट जोडणी व देयके, विविध डिजिटल व संगणक साहित्य व त्यासोबतची उपकरणे यांनी देखभाल व दुरुस्ती, पिण्याच्या पाण्याची देखभाल व दुरुस्ती, स्टेशनरी व विविध प्रकारचे रजिस्टर यांची खरेदी, अग्निप्रतिबंधक यंत्रांचे पुनर्भरण, प्रथमोपचार पेटी, वीज बिल आदी बाबींवर प्रतिशाळा दरमहा या मर्यादेत इतर निधीतून वीज बिल भरले नसल्यास याकरिता खर्च करता येणार आहे. सदर सादील निधी हा संबंधित पंचायत समितीच्या गटशिक्षणाधिका०यांनी तातडीने शाळांना वितरित करावा, अशा सूचना शिक्षणाधिका०यांनी गटशिक्षणाधिका०यांना दिल्या आहेत. निधी खर्चाबाबत मुख्याध्यापक यांनी नियमानुसार ३१ मार्च २०२१ पर्यंत खर्च करून सदर खर्चाचे उपयोगिता प्रमाणपत्र गटशिक्षणाधिका०यांमार्फत सादर करावे. याबाबत अनियमितता होणार नाही याची खबरदारी घेण्याचे निर्देश गटशिक्षणाधिका०यांना दिले आहेत.

बॉक्स

प्राथमिक शिक्षण समितीचा पाठपुरावा

जिल्हा परिषदेच्या शाळांना सादीलचे अनुदान उपलब्ध करून द्यावे, अशी मागणी २ फेब्रुवारी रोजी प्राथमिक शिक्षण समितीने शिक्षण आयुक्त व सीईओंकडे केली होती. याची दखल घेत सीईओंनी जिल्हा परिषदेच्या १५६२ शाळांना ५५८३ शिक्षकांच्या वेतनानुसार चार टक्क्यांप्रमाणे १ कोटी ३० लाख ४४ हजार रुपयाचा निधी दिला आहे.

कोट

काही महिन्यांपासून सादील अनुदान शाळांना उपलब्ध झाले नव्हते. परिणामी आता शालेय खर्चासाठी सादीलचे अनुदान तालुनिहाय शाळांना मंजूर केले. त्याचे वितरणाचे आदेश बीईओंना दिले आहेत.

ई.झेड खान, शिक्षणाधिकारी (प्राथमिक)