अचलपुरात साकारणार ‘राम शेवाळकर’ नाट्यगृह

गेल्या अनेक दिवसांपासून प्रलंबित असलेल्या राम शेवाळकर नाट्यगृहासाठी नगरपरिषदेने दीड एक जागा आरक्षित केली असून पुढील कारवाईसाठी प्रस्ताव शासनदरबारी पाठविला जाणार आहे.

नरेंद्र जावरे - अचलपूरगेल्या अनेक दिवसांपासून प्रलंबित असलेल्या राम शेवाळकर नाट्यगृहासाठी नगरपरिषदेने दीड एक जागा आरक्षित केली असून पुढील कारवाईसाठी प्रस्ताव शासनदरबारी पाठविला जाणार आहे. अचलपूर शहरातील थोर व्यक्तिमत्व, राज्यातील दिग्गज साहित्यिक म्हणून ओळखले जाणारे राम शेवाळकर हे अमरावतीचे गौरव होते. त्यांच्या नावाने नाट्यगृहाच्या निर्मितीसाठी अचलपूर नगरपरिषदेने एकमताने ठराव घेत दीड एकर जागा आरक्षित करून तसा प्रस्ताव शासनदरबारी पाठविला आहे. नगराध्यक्ष अरूण वानखडे यांच्या पुढाकाराने या कार्याला गती आली. सदर ठरावाला नगरसेवक अभय माथने व नितीन डकरे यांनी समर्थन दिले. सूचक म्हणून रूपेश ढेपे व अनुमोदक म्हणून पवन बुंदेलेहे होते. उपस्थित संपूर्ण तीस नगरसेवकांनी एकमताने नाट्यगृहाचा ठराव मंजूर केला. या जागेचे आरक्षणपरतवाडा शहरातील उपविभागीय कार्यालयापुढील विकास योजनेत आरक्षण क्रमांक ४३, टाऊनहॉल व आरक्षण क्र. २९ बगिचा, तरणताल, दोन्ही आरक्षणामधील दक्षिण-पश्चिम कोपऱ्यातील ०.६७० हेक्टर जागा प्राचार्य राम शेवाळकर नाट्यगृहासाठी आरक्षित करण्यात आली. विकास योजनेत तसा फेरबदल करण्याची मंजुरी अचलपूर नगरपालिकेने दिली आहे.प्रस्ताव शासन दरबारीराम शेवाळकर यांच्या नावे येथे नाट्यगृह व्हावे, यासाठी येथील सवई गंधर्व प्रतिष्ठानतर्फे सतत पाठपुरावा करण्यात आला. नगरपालिकेने त्यासाठी जागा आरक्षितकरून शासनाकडे विकास आराखड्यात फेरबदल करून वैधानिक कारवाईसाठी प्रस्ताव सादर केला. त्यानंतर सदर जागेचे आरक्षण व नाट्यगृह उभारण्याची घोषणा शासन करेल.