Amravati News | Latest Amravati News in Marathi | Amravati Local News Updates | ताज्या बातम्या अमरावती | अमरावती समाचार | Amravati Newspaper

अमरावती : अमरावती जिल्हा मध्यवर्ती सहकारी बॅंक संचालक निवडणुकीच्या अनुषंगाने शुक्रवारी उशिरा सायंकाळी मतदारांची अंतिम यादी प्रसिद्ध करण्यात आली आहे. यात १६८६ मतदार असून, २१ संचालक पदासाठी निवडणूक होणार आहे. येत्या १० दिवसात सहकारी बॅंकेच्या निवडणुकीचा कार्यक्रम जाहीर होईल, अशी माहिती आहे.सर्वोच्च न्यायालयाच्या आदेशाने तब्बल ११ वर्षांनंतर अमरावती जिल्हा मध्यवर्ती सहकारी बॅंकेची निवडणूक होणार आहे. सप्टेंबर महिन्याअखेर अथवा ऑक्टोबरच्या पहिल्या आठवड्यात जिल्हा विभागीय उपनिबंधक तथा निवडणूक निर्णय अधिकारी यांच्या देखरेखीत ही निवडणूक होणार आहे. १४ ऑगस्टपासून पुढे ४५ दिवसात एकुणच निवडणूक प्रक्रिया पार पाडणे ही नियमावली आहे. एकंदरीत २१ संचालक पदासाठी ही निवडणूक होत असून, जिल्ह्यातील दिग्गजांचे राजकीय अस्तित्व पणाला या निमित्याने लागणार आहे. लोकसभा, विधानसभा निवडणुकीत एकत्र बसणारे नेते या ‘सहकार’ क्षेत्रातील निवडणुकीत एकमेकांविरूद्ध शड्डू ठोकतील, असे चित्र दिसून येत आहे. सहकारी नागरी बॅंक, वैयक्तिक मतदार संघ, सेवा सहकारी सोसायटी, महिला, ओबीसी, अनुसूचित जाती व व्हीजेएनटी प्रवर्गातून २१ उमेदवार संचालकपदासाठी निवडणूक लढणार आहे. जिल्हा बॅंक निवडणुकीसाठी जिल्ह्यातील दिग्गज नेते संचालक पदासाठी उमेदवार म्हणून पुढे येतील, अशी शक्यता आहे.-----------------अशी आहे मतदार संख्या- वैयक्तिक मतदार संघ क (१) : ५८१- सहकारी नागरी बॅंक मतदार संघ क (२) : ५०१- १४ सेवा सहकारी सोसायटी : ६०४-------------------तालुकानिहाय सेवा सहकारी सोसायटीचे मतदारअमरावती : ४३धामणगाव रेल्वे : ३३धारणी : १९अचलपूर : ५०चिखलदरा: १६वरुड : ६०भातकुली : ४०नांदगाव खंडेश्वर : ३९चांदूर रेल्वे : ३०दर्यापूर : ७५चांदूर बाजार :४१मोर्शी : ६७अंजनगाव सुर्जी : ५६तिवसा : ३६-----------------असे निवडून येतील २१ उमेदवारसहकारी नागरी बॅंक मतदार संघातून १, वैयक्तिक मतदार संघ १, सेवा सहकारी सोसायटीमधून १४, महिलांमधून २, ओबीसीतून १, अनुसूचित जातीमधून १ तर व्हीजेएनटी प्रवर्गातून १ असे २१ उमेदवार निवडून येतील, अशी निवडणुकीची रचना आहे.--------------पाच उमेदवारांसाठी स्वतंत्र मतदानाचा हक्कवैयक्तिक मतदार संघ, सहकारी नागरी बॅंक मतदार संघ, १४ सेवा सहकारी सोसायटी प्रवर्गातील १६ उमेदवारांना मतदान करावे लागेल. याशिवाय दोन महिला, ओबीसी १, अनुसूचित जाती १ आणि व्हीजेएनटी प्रवर्गातील १ असे पाच उमेदवारांना स्वंतत्रपणे एकूण १६८६ मतदारांना मतदानाचा हक्क बजावावा लागणार आहे.

Amravati (Marathi News)

फोटो - हरण १४ पी मंगरूळ दस्तगीर : येथून तीन किलोमीटर अंतरावर असलेल्या वरूड बगाजी मार्गालगत आशिष ... ...