Amravati News | Latest Amravati News in Marathi | Amravati Local News Updates | ताज्या बातम्या अमरावती | अमरावती समाचार | Amravati Newspaper

श्रीकृष्ण मालपेनेरपिंगळाई- गावाच्या विकासात लोकांनी एकत्र यावे, शेतकऱ्यांनीही सक्षम व्हावे, नवे तंत्रज्ञानातून शेतीच्या विकासाचा मार्ग विस्तारण्याचा अनोखा प्रयोग अमरावतीच्या मोर्शी तालुक्यातील नेरपिंगळाई येथे यशस्वी झाला आहे. येथील सेवा सहकारी सोयायटीने मागील ७३ वर्षांत ‘सहकारातून समृद्धीकडे’ वाटचाल करून राज्यात नाव कमावले आहे. ही संस्था अमरावती जिल्ह्यासाठी भूषण ठरली आहे. नेरपिंगळाईच्या या संस्थेची स्थापना १८ जुलै १९४४ रोजी गावकऱ्यांनी ‘नेरपिंगळाई क्रॉप लोन सोसायटी’ या नावाने केली. त्यावेळी या संस्थेमार्फत केवळ पीककर्ज देण्यात येत होते. सन १९५७ मध्ये संस्थेचे विविध कार्यकारी सहकारी संस्थांमध्ये रूपांतर झाले. शेतकºयांना शेतीच्या गरजा पुरविणारी दुकाने काढण्यात आली. या दुकानांमधून सभासदांना कमी दरात उत्कृष्ट वस्तूंचा पुरवठा केला जातो. संस्था स्वनिधीवर व्यवसाय करीत आहे. नफ्यात असलेल्या या संस्थेला अंकेक्षणाचा 'अ' दर्जा बहाल करण्यात आला आहे.दोनदा मिळाला ‘सहकार भूषण’ पुरस्कार संस्थेने स्थापनेपासून आतापावेतो केलेल्या उत्कृष्ट कामकाजाची पावती म्हणून संस्थेला सन २०१२ मध्ये महाराष्ट्र शासनाचा सहकार भूषण पुरस्कार प्रदान करण्यात आला, तर सन २०१६ मध्ये पुन्हा महाराष्ट्र शासनाचा सहकार भूषण देण्यात आला. राज्यात नामवंत व कार्यशील म्हणून या संस्थेचा गौरव केला जातो. नागरिकांसाठी सहकारी दुकाने सोसायटीने गावात स्वस्त धान्य दुकाने, कृषीसेवा केंद्र, बचत व मुदती ठेव व्यवसाय, वेअर हाऊस, शेतमाल तारण व्यवसाय, हार्डवेअर दुकाने, कापड भांडार, किरकोळ तसेच घाऊक घासलेट व्यवसाय, सोने तारण व्यवसाय, लॉकर सुविधा आदी सुविधा उपलब्ध करून दिल्या आहेत. परिसरातील राजूरवाडी, लेहगाव, धामणगाव (काटपूर), अडगाव या गावात संस्थेने दुकाने सुरू केल्या आहेत. सर्व संचालकांचे सहकार्य व सभासदांचा दृढ विश्वास यामुळे संस्था प्रगतीपथावर कार्य करीत आहे. ही परंपरा आम्ही कायम ठेवण्याचा पूर्ण प्रयत्न करू.- संजय मंगळे, अध्यक्ष, सेवा सहकारी सोसायटी नेरपिंगळाई

Amravati (Marathi News)