Amravati News | Latest Amravati News in Marathi | Amravati Local News Updates | ताज्यबातम्या अमरावती | अमरावती समाचार | Amravati Newspaper

लोकमत न्यूज नेटवर्कअमरावती : २७ फेब्रुवारी २०१७ च्या बदल्याच्या शासन निर्णयाची योग्य अंमलबजावणी न झाल्याने विस्थापित शिक्षकांनी बदली प्रक्रियेतील अन्याय विरोधात सोमवारी शिक्षकांनी जिल्हा परिषदेसमोर एकदिवसीय उपोषण करीत शासनाचे लक्ष वेधले.बदली प्रक्रियेत विस्थापित झालेल्या अनेक शिक्षकांचे विभक्तीकरण झाले आहे. यातील अनेक शिक्षकांनी मेळघाटात सेवा दिली आहे. त्यामुळे पुन्हा मेळघाट पाठवू नये, असे शासन आदेशात नमूद आहे. याचे पालन झाले नाही. त्यामुळे हा अन्याय दूर करावा, बदली प्रक्रियेत खोटी माहिती देऊन संवर्ग १ मधील काही शिक्षकांनी सोयीच्या जागा पटकाविण्यासाठी खोटे अपंगाचे प्रमाणपत्र दिल्याचा आरोप या शिक्षकांनी केला आहे. संवर्ग २ मध्ये पती पत्नी एकत्रीकरण करिता खोटे अंतर टाकणाऱ्या शिक्षकांवर कार्यवाही करून त्यांच्या जागा विस्थापित शिक्षकांना नियुक्ती द्यावी, अशी मागणी अनिल कोल्हे, रविकिरण संदाशिव, नयन काळपांडे, दिनेश साबळे, रवींद्र यावले, उमेश वाघ, जयकुमार कांडलकर, सुनील कुकडे, प्रिती अर्डक, राजेश मुंदडा, सुनीता लहाने याचा सहभाग होता.शिक्षकांच्या आंदोलनस्थळी आ.यशोमती ठाकूर यांची भेटजिल्हा परिषद शिक्षकांच्या जिल्हांतर्गत आॅनलाईन बदली प्रक्रियेतील विस्थापित शिक्षकांनी अन्यायाविरोधात सोमवारी जिल्हा परिषदेसमोर एकदिवसीय लाक्षणिक उपोषण केले. दरम्यान या आंदोलनस्थळी तिवस्याच्या आमदार यशोमती ठाकूर यांनी भेट देऊन शिक्षकांच्या मागण्यांबाबत विस्तृत चर्चा केली. यावर शिक्षक बदल्यांमध्ये अनेक त्रुटी व शासन निर्णयातील सूचनांचे उल्लंघन करण्यात आले. बदली प्रक्रियेतील अन्याय हा आगामी पावसाळी अधिवेशनात प्रभावीपणे मांडून अन्यायग्रस्त शिक्षकांना न्याय मिळून देणार असल्याचे आ. यशोमती ठाकूर यांनी 'लोकमत'शी बोलतांना सांगितले. यावेळी त्याच्या समवेत जिल्हा परिषद शिक्षण व बांधकाम समितीचे सभापती जयंत देशमुख उपस्थित होते.

Amravati (Marathi News)