Amravati News | Latest Amravati News in Marathi | Amravati Local News Updates | ताज्या बातम्या अमरावती | अमरावती समाचार | Amravati Newspaper

अनिल कडूपरतवाडा : अचलपूर नगर पालिका क्षेत्रासह तालुक्यातील ग्रामीण भागातही कोरोनाचा उदे्रक बघायला मिळत आहे. यात अवघ्या आठ दिवसात कोरोना रुग्णांची संख्या दीडशेच्यावर गेली आहे. त्यात अचलपूर परतवाडा शहरातील शंभरवर रुग्ण आहेत. या व्यतीरिक्त अनेक रुग्ण घरीच असून त्यांची नोंद सरकारी यंत्रणेकडे नाही.आठ दिवसांपासून अचलपूर कुटीर रुग्णालयातील डेडिकेटेड कोविड रुग्णालय हाऊसफूल आहे. तेथे एकही बेड रिकामा नाही. तेथील ३५ बेड फुल्ल असल्यामुळे अनेक रुग्णांना चार दिवसांपासून अमरावतीला पाठविण्यात येत आहे. यातील काही कोरोना रुग्ण अमरावतीला उपचारार्थ दाखल न होता घरीच कुटुंबासोबत आहेत. अचलपूर कोविड रुग्णालयातील बेड रिकामा होण्याची ते वाट बघत आहेत. अचलपूरमध्ये कोविड रुग्णांकरीता उपलब्ध असलेली व्यवस्था अपुरी पडत आहे. वाढती रुग्णसंख्या बघता अचलपूर ट्रामाकेअर युनिटमधील १५ बेड कसे उपलब्ध करून देता येतील, या अनुषंगाने आरोग्य विभाग प्रयत्न करीत आहे. सोमवारपासून ट्रामा केअरमधील बेड रुग्णांकरिता खुले करण्यात येणार असल्याची माहिती आहे.शहर हॉटस्पॉटअचलपूर परतवाडा शहर तर कोरोनाच्या अनुषंगाने हॉटस्पॉट ठरले आहे. ८ फेब्रुवारीला ३७, ९ फेब्रुवारीला २१, १० रोजी ५२, ११ रोजी २४, तर १२ फेब्रुवाी रोजी १६ कोरोना रुग्णांची नोंद झाली आहे. यात ९ फेब्रुवारीला कांडली येथील ८० वर्षीय पुरुष रुग्णाचा कोरोनामुळे मृत्यू झाला आहे. चावलमंडी, अभिनव कॉलनी, बिलनपूरा, जीवनपूरा, सिव्हीललाईन, मुगलाई, गोपालनगर, विद्यानिकेतन कॉलनी, ब्राम्हणसभा, खापर्डे प्लॉट, मिश्रालाईन गोधनविहार, संतोषनगर, सायमा कॉलनी, फॉरेस्ट डेपो, गुरुनानकनगर, गणेशनगर लालपूलसह अन्य भागांत हे कोरोना रुग्ण पसरले आहेत. शहरातील फातिमा कॉन्व्हेंटमधील शिक्षक कोरोना संक्रमित निघाल्यामुळे, खबरदारीची उपाययोजना म्हणून सात दिवसांकरिता फातिमा कॉन्व्हेंट बंद ठेवण्याचा निर्णय शाळा व्यवस्थापनाने घेतला आहे.ग्रामीण भागातही संख्या वाढतीचग्रामीण भागातील कांडली, देवमाळी, पथ्रोट, नारायणपूर, वडगाव फत्तेपूर, उपतखेडा, गौरखेडाकुंभी, नवसारी, जवर्डी, रामापूर, रासेगाव, परसापूर, खानजमानगरसह तालुक्यात कमीअधिक प्रमाणात हे कोरोना रुग्ण आढळून येत आहेत.कोट :अचलपूरमध्ये कोरोना रुग्णांची संख्या वाढली आहे. डेडिकेटेड कोविड रुग्णालयात बेड शिल्लक नाहीत. नागरिकांनी कोरोनाच्या अनुषंगाने आवश्यक ती काळजी घेणे गरजेचे आहे. डेडिकेटेड कोविड रुग्णालयातील या ३५ बेड व्यतिरिक्त ट्रामाकेअरमधील १५ बेड कोरोना रुग्णांकरिता उपलब्ध करुन देण्याबाबत नियोजन सुरू आहे.- डॉ.जाकिर,डेडिकेटेड कोविड रुग्णालय, अचलपूर

Amravati (Marathi News)