Amravati News | Latest Amravati News in Marathi | Amravati Local News Updates | ताज्या बातम्या अमरावती | अमरावती समाचार | Amravati Newspaper

अमरावती/तिवसा : पहाटेच्या वेळी जनावरांसाठी शेतातुन चारा आणण्यासाठी ट्रॅक्टरने तिवसा येथील शेतात निघालेल्या ट्रॅक्टरला भरधाव ट्रकने मागून धडक दिल्याने दोन शेतकऱ्यांचा घटनास्थळीच दुर्दैवी मृत्यू झाल्याची घटना आज सकाळी 6 वाजताच्या दरम्यान अमरावती नागपूर राष्ट्रीय महामार्गावर शिवनगाव जवळ घडली. यात दोन शेतकरी गंभीर जखमी सुद्धा झाले आहेत.कैलास हुंडीवाले वय 40 वर्ष व हुंडाआप्पा बहीहट वय 55 असे घटनास्थळीच मृत्यू झालेल्या शेतकऱ्याचे नाव आहे. तर संजय दिवटे व मुकेश बिरकट असे अपघातात गंभीर जखमी झालेल्या शेतकऱ्यांचे नाव आहेत. या अपघातात शेतकऱ्यांच्या ट्रॅक्टरला धडक देणारा ट्रॅक चालक ट्रक घेऊन अपघाता नंतर घटनास्थळ वरून पसार झाला आहे.माहितीनुसार आपल्या गावी तिवसा तालुक्यातील दिवानखेड येथून हे शेतकरी शेतात जनावरांसाठी चारा आणायला नागपूर दिशेने निघाले होते,मात्र मागून येणाऱ्या ट्रकने ट्रॅक्टरला जबर धडक दिली यात ट्रॅक्टरची ट्राली पलटी झाली यात दोन शेतकऱ्यांचा दुर्दैवाने जागीच मृत्यू झाला. त्यामुळे अपघात नंतर राष्ट्रीय महामार्गावर वाहनांच्या मोठ्या रांगा लागल्या होत्या. तर पुढील तपास नांदगावपेठ पोलीस करीत आहेत. दोन जखमीवर अमरावती जिल्हा ग्रामीण रुग्णालयात उपचार सुरू आहे. या अपघातानंतर सर्वत्र हळहळ व्यक्त होत आहे.

Amravati (Marathi News)

यात दोन शेतकरी गंभीर जखमी सुद्धा झाले आहेत. ...