Amravati News | Latest Amravati News in Marathi | Amravati Local News Updates | ताज्यबातम्या अमरावती | अमरावती समाचार | Amravati Newspaper

धारणी : मैत्रिणीसोबत बसलेल्या १८ वर्षीय मुलाच्या मानेवर ब्लेडने वार करण्यात आले. २६ मार्च रोजी दुपारी ५ च्या सुमारास ही घटना घडली. त्या मुलीसोबत का फिरतो, अशी विचारणा करीत मारहाण करण्यात आली. याप्रकरणी धारणी येथीलच दोन तरुणांविरुद्ध गुन्हा दाखल करण्यात आला.------------------नागझिरा येथे महिलेचा विनयभंगधारणी : तालुक्यातील नागझिरा येथे एका ३५ वर्षीय महिलेला जिवे मारण्याच्या धमकी देऊन तिचा विनयभंग करण्यात आला. २६ मार्च रोजी रात्री ११ वाजता ही घटना घडली. नागझिरा येथील इसाराम कासदेकर व सोनाजी कासदेकर यांच्याविरुद्ध धारणी पोलिसांनी गुन्हा नोंदविला.----------------धारणी स्टँडवर मारहाणधारणी : दारू पिण्यास पैसे न दिल्याने शेख अजिम शेख सरफुदीस (३२, धारणी) याला मारहाण करण्यात आली. २७ मार्च रोजी दुपारी ही घटना घडली. याप्रकरणी धारणी पोलिसांनी आरोपी सै. नसीम शेख हसन व शेख कम्मू शेख अमीर, शेख आरिफ (सर्व रा. धारणी) यांच्याविरुद्ध गुन्हा दाखल करण्यात आला.---------------विलायतपुऱ्यात तरुणाला मारहाणअचलपूर : पैशांच्या देवाणघेवाणाच्या वादातून पुरुषोत्तम बुंदिले (२५, विलायतपुरा) याला व त्याच्या भावाला मारहाण करण्यात आली. २६ मार्च रोजी रात्री ही घटना घडली. अचलपूर पोलिसांनी याप्रकरणी प्रदीप तरवले, वीरेश बुंदिले, नरेश बुंदिले, संकेत तरवले, संदीप भित्रे (सर्व रा. विलायतपुरा) यांच्याविरुद्ध गुन्हा दाखल केला. नरेश बुंदिले याच्या तक्रारीवरून कवण बुंदिले, पुरूषोत्तम बुंदिले व एका अन्य आरोपीविरुद्ध गुन्हा दाखल केला.---------------------अचलपूरच्या नशीबपुऱ्यातून शेती साहित्य लंपासअचलपूर : येथील नशीबपुरा भागातील गोठ्यातून ३६०० रुपये किमतीचे शेतीपयोगी साहित्य लंपास करण्यात आले. याप्रकरणी विजय दंडारे यांच्या तक्रारीवरून सरमसपुरा पोलिसांनी दोन अल्पवयीनांविरोधात गुन्हा दाखल केला. २६ मार्च रोजी रात्री ही घटना घडली होती.-------------चिंचोली येथे तरुणाला मारहाणधामणगाव रेल्वे : तालुक्यातील चिंचोली येथील सुभाष पारिसे (३३) याला लोखंडी रॉड व लाथाबुक्क्यांनी मारहाण करण्यात आली. उधारी देत नाही म्हणून बदनामी करतो का, अशी विचारणा करीत २६ मार्च रोजी ही घटना घडली. मंगरूळ दस्तगीर पोलिसांनी याप्रकरणी विशाल बमनोटे (३३) व प्रफुल बमनोटे यांच्याविरुद्ध गुन्हा दाखल करण्यात आला.-------------सावळा येथे तरुणाला मारहाणधामणगाव रेल्वे : तालुक्यातील सावळा येथे अरविंद जगन्नाथ ऋषिदेव (३५) याला लोखंडी रॉडने मारहाण करण्यात आली. २६ मार्च रोजी रात्री ही घटना घडली. दत्तापूर पोलिसांनी याप्रकरणी अज्ञात तिघांविरुद्ध गुन्हा नोंदविला. जिवे मारण्याची धमकी देण्यात आली.--------------भाडेकरूच्या खोलीमधील साहित्याची फेकाफेकधामणगाव रेल्वे : येथील अरिहंतनगरमध्ये भाड्याने राहणाऱ्या एका महिलेच्या खोलीतील सामान बाहेर फेकण्यात आले. घरमालकानेच हा प्रताप केला. सदर ३२ वर्षीय भाडेकरू महिला घरी नसताना आरोपींनी लॉक तोडले. फिर्यादीच्या आईला घराबाहेर ओढून तिला मारहाण करण्यात आली. २६ मार्च रोजी सकाळी हा प्रकार घडला. दत्तापूर पोलिसांनी संजय भगत व एका महिलेविरुद्ध गुन्हा दाखल केला.---------------अंजनगाव स्टॅन्ड परिसरातून दुचाकी लंपासअंजनगाव सुर्जी : येथील नवीन बस स्टँड भागातून एमएच सीके ९५५५४ या क्रमांकाची दुचाकी लंपास करण्यात आली. २२ मार्च रोजी दुपारी ही घटना घडली. गणेश अस्वार (३०, रूपलाल नगर) यांच्या तक्रारीवरून अंजनगाव पोलिसांनी अज्ञाताविरुद्ध गुन्हा दाखल केला.---------लखाड येथून रोख लंपासअंजनगाव सुर्जी : तालुक्यातील लखाड येथील अशोक हिरे यांच्या घरातून १५ हजार ३०० रुपये रोख व तूर डाळ लंपास करण्यात आली. २६ च्या मध्यरात्रीनंतर ही घटना घडली. अंजनगाव सुर्जी पोलिसांनी अज्ञात आरोपीविरुद्ध गुन्हा दाखल केला.-----------------बनोस्याच्या गांधी चौकात तरुणाला मारहाणदर्यापूर : बनोसा स्थित गांधी चौकात धीरज चापके (२६, रा. लेहगाव) याला लाथाबुक्क्यांनी मारहाण व शिवीगाळ करण्यात आली. तक्रार दिल्यास हात पाय तोडून टाकण्याची धमकी देण्यात आली. २६ मार्च रोजी रात्री ही घटना घडली. दर्यापूर पोलिसांनी आरोपी कपिल तोमर, नटवर तोमर व एका महिलेविरुद्ध गुन्हा दाखल केला.---------------तरुणीला लग्न तोडण्याची धमकीआसेगाव पूर्णा : स्थानिक पोलिसांच्या हद्दीतील एका गावातील २१ वर्षीय तरुणीला तिचे जुळलेले लग्न तोडण्याची धमकी देण्यात आली. तिचा सतत पाठलाग करून विनयभंग करण्यात आला. २२ मार्च रोजी हा प्रकार घडला. आसेगाव पोलिसांनी आरोपी सागर सुरेश फुनसे (रा. येसुर्णा) याच्याविरुद्ध गुन्हा दाखल करण्यात आला.------------निधन वार्तादौलत पाटीलधारणी : निवृत्त मंडळ अधिकारी दौलत पाटील (६२, रा. जुटपाणी) यांचे रविवारी रात्री अमरावती येथे उपचारादरम्यान निधन झाले. त्यांच्या पश्चात पत्नी, मुले, मुली व बराच आप्तपरिवार आहे.-------------सोहनलाल पटेलधारणी : पंचायत समितीचे माजी उपसभापती सोहनलाल पटेल (रा. बिजुधावडी) यांचे सोमवारी सायंकाळी निधन झाले. मंगळवारी बिजुधावडी येथे त्यांच्या पार्थिवावर अंत्यसंस्कार करण्यात आले.------------

Amravati (Marathi News)