Amravati News | Latest Amravati News in Marathi | Amravati Local News Updates | ताज्यबातम्या अमरावती | अमरावती समाचार | Amravati Newspaper

निवडरवींद्र मेंढेचांदूर रेल्वे : येथील रवींद्र मेंढे यांची वंचित बहुजन आघाडीच्या अमरावती जिल्हा महासचिवपदी निवड करण्यात आली आहे. वंचित बहुजन आघाडीच्या राज्य कार्यालय येथून प्राप्त झालेल्या पत्रानुसार बाळासाहेब आंबेडकर यांनी ही निवड केली आहे. जिल्हा उपाध्यक्षपदी सागर भोवते यांची निवड करण्यात आली.---------------निधनफोटो पी ०९ धनोडकरसुरेखा धनोडकरचांदूररेल्वे : सुरेखा सुरेश धनोडकर (रा. इंदिरानगर, चांदूर रेल्वे ह. मु. अमरावती) यांचे हृदय विकाराने गुरुवारी रात्री निधन झाले. त्यांच्यापश्चात पती, मुलगा, मुलगी, सून, नातवंड असा आप्तपरिवार आहे.--------------निधन वार्ताकरजगाव : साहेबराव गोविंदराव वानखडे (६०, पिंपळखुटा) यांचे अल्पशा आजाराने निधन झाले. त्यांच्या पश्चात आई, भाऊ, मुलगा, मुलगी असा आप्त परिवार आहे.-------------फोटो पी ०९ कामनापूरकामनापूर ते आष्टी पांदण रस्त्याची दुरवस्थाटाकरखेडा संभू : भातकुली तालुक्यातील कामनापूर ते आष्टी या रस्त्यावर गावातील शेकडो शेतकऱ्यांची शेती आहे. परंतु त्यांना शेतमाल घरी आणण्याकरता तसेच तेथून बाजारपेठेत नेण्याकरिता पर्यायी रस्ता नाही. कामनापूर ते आष्टी या पांदण रस्त्याची दुरुस्ती व्हावी, याकरिता पाठपुरावा सुरू आहे. परंतु प्रशासनाकडून याची अद्याप दखल घेतली गेली नाही.-----------------हनुमान मंदिराचा होणार जीर्णोद्धारनांदगाव पेठ : स्व. हिराबाई गुल्हाने चॅरिटेबल ट्रस्टच्यावतीने केकतपूर येथील मंदिरांच्या जीर्णोद्धारासाठी पुढाकार घेण्यात आला. ट्रस्टचे अध्यक्ष विवेक गुल्हाने यांनी पुरातन असलेल्या हनुमान मंदिराच्या जीर्णोद्धारासाठी ५१ हजार रुपये व गंभीरशेष महाराज देवस्थानाच्या बांधकामासाठी ३१ हजार रुपयांचा धनादेश व्यवस्थापनाच्या स्वाधीन केला.----------------शिक्षण समितीची दिल्लीला भेटअमरावती : महानगरपालिकेच्या शिक्षण व शाळा समितीचा नुकताच शैक्षणिक अभ्यास दौरा दिल्ली येथे आयोजित करण्यात आला आहे. त्यानिमित्ताने शिक्षण सभापती आशिषकुमार गावंडे, शिक्षणाधिकारी अब्दुल राजीक, मनपाचे माध्यमिक पूर्व माध्यमिक व तांत्रिक शाळा समिती तसेच शिक्षकांचा समूह घेऊन दिल्ली येथे पोहोचला होता.--------------आंबियाची फुट, वातावरणाचा दणकाजरूड : एकीकडे आंबियाची फुट झाली नाही, तर दुसरीकडे झाडे खराट्यासारखी झाल्याने तालुक्यातील शेतकरी संकटात सापडला आहे. मात्र, अद्यापही तालुक्याचा कृषी विभागाला जाग आलेली नाही. पीकेव्ही किंवा अन्य कुठलीही तज्ज्ञ मंडळी घेऊन कृषी अधिकाऱ्यांनी संत्राझाडे का वाळत आहेत, त्याची कारणमीमांसा केलेली नाही.---------------महामार्गाला तडे, अंजनगावचे पदाधिकारी मुकदर्शकअंजनगाव सुर्जी : शहरातील बैतूल ते सातारा या राष्ट्रीय महामार्ग असलेल्या सिमेंट रस्त्याला अल्पावधीत तडे गेले आहेत. प्रशासन व राजकीय पदाधिकाऱ्यांना त्या भेगा दिसतील का, असा सवालही उपस्थित करण्यात आला आहे. त्याबाबत तक्रार करायची कुणाकडे, हा देखील प्रश्न आहे.----------------चांदूरबाजार शहराला पुन्हा अतिक्रमणाचा विळखाब्राम्हणवाडा थडी: गेल्या वर्षी चांदुर बाजार पालिका प्रशासनाने बाजारपेठेतील अतिक्रमण पूर्णत: मोकळे केले. या कारवाईने बाजारपेठेमधील अरुंद रस्ते रुंद झाले. मात्र या कार्यवाहीनंतर पुन्हा अतिक्रमण होणार नाही, वाढणार नाही यासाठी पालिका प्रशासनाला कुठलेही नियोजन नाही. शहरात नव्याने अतिक्रमण थाटण्यात आले आहे.------------गुरुकुंज मोझरीला पोलीस कर्मचारी केव्हा?गुरुकुंज मोझरी : येथे विकास आराखड्यातुन पोलीस चौकीची वास्तू उभारण्यात आली आहे. मात्र ती पोलीस कर्मचाऱ्यांविना ओस पडली आहे. काही वर्षांपूर्वी दोन पोलीस कर्मचारी चौकीवर मुक्कामी राहत होते त्यामुळे परिसरात वचक राहत होता. आता पुन्हा त्याची गरज आहे, असे नागरिकांचे मत आहे.---------------काशीनदीच्या पात्रावर रोखली तस्करांनी नजररिद्धपूर : येथील काशी नदी पात्रातून रेतीचे दिवसाढवळ्या उत्खनन करून वाहतूक केली जात आहे. ग्रामस्थांसह या मार्गाने येजा करणाऱ्या प्रत्येकाच्या डोळ्याने हा अवैध प्रकार दिसत असला तरी, महसूल व पोलिसांना मात्र तो अद्यापही दिसलेला नाही. रिद्धपूर येथील वाळू माफियांकडे महसूल विभाग व पोलिसांचे दुर्लक्ष होत आहे.

Amravati (Marathi News)