Amravati News | Latest Amravati News in Marathi | Amravati Local News Updates | ताज्यबातम्या अमरावती | अमरावती समाचार | Amravati Newspaper

धारणीतील अतिक्रमण केव्हा हटणार?धारणी: शहरात अतिक्रमणाचे प्रकरण दिवसेंदिवस वाढत चालले असून नगरपंचायतीने याकडे पूर्णपणे डोळेझाक केली आहे. रस्ता दुभाजकानंतर निर्माण करण्यात आलेल्या नालीच्या बाजूला असलेली शिल्लक शासकीय जागा लोकांसाठी पर्वणी ठरत आहे. मनात येईल तो टिनाचे शेड लावून अतिक्रमण करण्याच्या तयारीत आहे. नगरपंचायतच्या प्रशासकांनी लक्ष घालावे, अशी धारणीकरांची अपेक्षा आहे.----------मोर्शी तालुक्यात रेतीचे अवैध उत्खननमोर्शी : तालुक्यातील हिवरखेड, सालबर्डी परिसरात तस्करांनी रेतीच्या अवैध उत्खननाचा व वाहतुकीचा गोरखधंदा चालविला आहे. बेकायदा वाळूसह सट्टापट्टी, अवैध गावठी दारूभट्ट्यादेखील फोफावल्या आहेत. प्लास्टिक पन्नीमध्ये व मोठमोठ्या ट्युबमध्ये गावठी दारू मध्यप्रदेश सीमेहून हिवरखेड तसेच परिसरात आणली जाते.----------लाकूड डेपोला नाही चौकीदारपरतवाडा : येथील लाकूड डेपोत उघड्यावर पडून असलेल्या लाकडांवर लक्ष ठेवायला वन विभागाकडे पुरेसे चौकीदार नाहीत. जे चौकीदार आहेत, त्यांच्यावरच लक्ष ठेवायला वनाधिकाऱ्यांना वेळ नाही. या चौकीदारांच्या शिट्ट्यांचे आणि लोखंडी ढोलाचे आवाज डेपोत कुठेही ऐकायला येत नाहीत. वाजवायला शिट्ट्या नाहीत. त्यामुळे लाकूड डेपोची सुरक्षा ऐरणीवर आली आहे.----------हिवरखेड येथे कोरोना लस, चाचणीमोर्शी : तालुक्यातील हिवरखेड प्राथमिक आरोग्य केंद्रात सरपंच विजय पाचारे यांच्या मार्गदर्शनाखाली उपजिल्हा रुग्णालयाच्यावतीने कोरोना चाचणी शिबिराचे आयोजन करण्यात आले होते. यावेळी गावातील १०० नागरिकांची आरटी-पीसीआर व ५० नागरिकांची रॅपिड टेस्ट करण्यात येऊन लसीकरण मोहीम राबविण्यात आली. यावेळी ४५ वर्षांवरील वयोगटातील नागरिकांना कोरोनाची लस देण्यात आली.----------पाळा येथील कोरोना लसीकरण शिबिरमोर्शी : तालुक्यातील प्राथमिक आरोग्य केंद्र पाळा येथे ४५ वर्षांवरील वयोगटातील नागरिकांना कोरोनाची लस देण्यात आली. शिबिराला डॉ. दीपाली नाकसकर, सरपंच अजय राऊत, उपसरपंच चंपत नेवारे, पोलीस पाटील सागर साठे, खरेदी-विक्री संघाचे उपाध्यक्ष मोरेश्वर गुडघे, बाजार समितीचे संचालक नरेंद्र जिचकार, शिवाजी मैत्री संघटनेचे अध्यक्ष श्रेणीत राऊत, नामदेव इंगळे, हिरोसिंह मोहने, बाबाराव गायकवाड, अमोल निस्वादे, अभिजित मोहने, प्रभुजी पाटील उपस्थित होते.

Amravati (Marathi News)