बाहेरच्या पानासाठी
तिवसा : गुरुकुंज मोझरी येथून तिवसाकडे जाणाऱ्या दुचाकीला विरुद्ध दिशेने येणाऱ्या चारचाकीने जबर धडक दिली. यात एकाचा मृत्यू, तर एक जण गंभीर जखमी झाला. अमरावती नागपूर राष्ट्रीय महामार्गावर तळेगाव ठाकूर फाट्यानजीक गुरुवारी सकाळी ८ वाजताच्या दरम्यान हा अपघात घडला. गौरव खवले (रा. शिवणगाव फत्तेपूर), असे मृताचे नाव आहे.
गौरव विनायक खवले व मोहन मुनेश्वर बोबडे (दोघही रा. शिवणगाव फत्तेपूर) हे या अपघातात गंभीर जखमी झाले. मात्र, जिल्हा ग्रामीण रुग्णालयात उपचारादरम्यान गौरव खवले यांचा मृत्यू झाला. मोहन बोबडे यांच्यावर तेथे उपचार सुरू आहेत. दोघेही राजुरा बाजार येथे जात होते. तिवसा पोलिसांनी घटनास्थळाचा पंचनामा करत गुन्हा दाखल केला आहे.
-------