बातमी/ सारांश

अमरावती : साईनगर ते अकोली गावापर्यंतचा रस्ता नादुरूस्त झाला आहे. त्यामुळे अकोलीसह म्हाडा कॉलनीकडे जाणाऱ्या नागरिकांना मोठ्या संकटाचा सामना करावा लागत आहे. रस्त्यावर जागोजागी खड्डे पडले असून, ते त्वरित दुरूस्त करावे, अशी मागणी आहे.

------------------------

महापालिका पशू दखावाना बेवारस

अमरावती: महापालिकेचा अकोली येथील पशू दवाखाना हल्ली बेवारस स्थितीत आला आहे. या दवाखान्यात अलीकडे श्वानांचे निर्बीजीकरण थांबले आहे. प्रशस्त असा हा दवाखाना असताना याकडे देखभाल व दुरुस्तीकडे लक्ष दिले जात नाही.

-------------------------

टॉवरलाईनखाली कचऱ्याची समस्या

अमरावती: येथील टॉवरलाईनखाली कचऱ्याची समस्या दिवसांगणिक वाढतच आहे. टॉवरलाईन परिसर हा वसाहतीचा असताना नागरिक मात्र खुल्या जागेवर कचरा आणून टाकत असल्याचे चित्र आहे. कचरा साठवण समस्यांमुळे आरोग्य धोक्यात आले आहे.

----------------------

बांबू गार्डन मार्गावरील अतिक्रमण

अमरावती : येथील बांबू गार्डन मार्गावर वडाळी भागात वनजमिनीवर अतिक्रमण झाले असून, ते कधी काढणार, असा सवाल सामान्यांकडून विचारला जात आहे. वनजमिनीवर रहिवासी नागरिकांनी अतिक्रमण केले असून, ते भविष्यासाठी डोकेदुखी ठरणार आहे.

--------------------

नागरी वस्तीत वीटभट्ट्यांची समस्या

अमरावती: येथील नागरी वस्तीत वीटभट्ट्यांची समस्या वाढत चालली आहे. वीटभट्टी माफियांकडून महसूल जागेवर कब्जा करण्यात आला आहे. बिच्छू टेकडी, वडाळी मार्गावर वीटभट्ट्यांची मोठी समस्या आहे. महसूल विभागाने जागेवरील अतिक्रमण हटवावे, अशी मागणी नागरिकांची आहे.