आरक्षणावर खिळल्या नजरा

तिवसा : २०२० ते २०२५ या कालावधीत सार्वत्रिक निवडणुकीद्वारे गठित होणाऱ्या २९ ग्रामपंचायतींसाठी महिलांच्या विविध संवर्गातील सरपंचपदाची आरक्षण सोडत २ फेब्रुवारी रोजी दुपारी ३ वाजता तहसीलदार तथा निवडणूक अधिकारी वैभव फडतारे यांच्या अध्यक्षतेखाली तहसील सभागृहात आयोजित करण्यात आली आहे.

तिवसा तालुक्यातील ग्रामपंचायत निवडणुका शांततेत पार पडल्या. सर्वांना आता सरपंचपदाच्या आरक्षणाची आतुरता आहे. विजयी विविध पॅनलचे दावेदार त्यासाठी आता हालचाली करीत आहेत. अवघ्या एका दिवसावर येऊन ठेपलेल्या सरपंचपदाच्या आरक्षणात कोणत्या प्रवर्गासाठी कोणती ग्रामपंचायत निघते, याकडे सर्वत्च्या नजरा खिळल्या आहेत. तिवसा तहसील सभागृहात येत्या 2 फेब्रुवारी रोजी विविध प्रवर्गातील महिला सरपंचपदाची आरक्षण सोडत होणार असून, या कार्यक्रमाला इच्छुकांनी उपस्थित राहावे, असे आवाहन तिवसा तहसीलदार तथा निवडणूक अधिकारी वैभव फडतारे यांनी केले आहे.