विवाहितेचा छळ

----

रेतीसह ट्रॅक्टर जप्त

पथ्रोट : नजीकच्या आरेगाव शिवारात साडेतीन लाखांचा विनाक्रमांकाचा ट्रॅक्टर व सात हजारांची रेती पथ्रोट पोलिसांनी जप्त केली. याप्रकरणी १४ फेब्रुवारी रोजी राजेश मनोहर हेकडे (२६) व दीपक मनोहर सोनपुरे (३३, दोन्ही रा. वडगाव फत्तेपूर) यांच्याविरुद्ध गुन्हा दाखल करण्यात आला.

------------

जिल्हा सामान्य रुग्णालयात इसमाचा मृत्यू

अमरावती : खोलापुरी गेट पोलीस ठाण्याच्या हद्दीतील तुळजागीर वाडा येथील इसमाचा जिल्हा सामान्य रुग्णालयात १५ फेब्रुवारी रोजी मृत्यू झाला. गजानन पांडुरंग शेलोकार (५८) असे मृताचे नाव आहे. त्यांच्या मृत्यूचे कारण पुढे आलेले नाही.

---------

शेताच्या कुंपणाचे पोल उखडले

जरूड : वरूड तालुक्यातील टेंभूरखेडा मार्गावरील अजय वसंतराव विटाळकर (४२, रा. वरूड) याच्या शेताच्या कुंपणाचे पोल उखडून त्यांना शिवीगाळ करण्यात आली. याप्रकरणी वरूड पोलिसांनी भादंविचे कलम २९४, ४२७, ३४ अन्वये कमला दिनेश मोरे व भूषण दिनेश मोरे (रा. वरूड) यांच्याविरुद्ध रविवारी गुन्हा नोंदविला.

----------

वरूड येथे युवकाला मारहाण

वरूड : शहरातील नया दायरा येथे शेख शब्बीर शेख मुख्तार (२८, रा. शहापूर पुनर्वसन) याला तेथीलच एका युवतीने संशयातून शिवीगाळ केली व तिचा नियोजित वर सलमान पप्पू मिया याने पावड्याने डोक्यावर मारले. तो बहिणीकडे रेशन घेऊन आला होता. याप्रकरणी वरूड पोलिसांनी रविवारी भादंविचे कलम ३२४, ५०४, ५०६, ३४ अन्वये गुन्हा नोंदविला.

-----------------