राहतात अमरावतीत, लायसन्स काढले परदेशाचे!

अमरावती : जिल्ह्यात ११ वर्षांमध्ये ५३१ जणांनी इंटरनॅशनल ड्रायव्हिंग लायसन्स काढले आहे. देशाबाहेर वाहनचालक म्हणून काम करायचे असल्यास हा परवाना हवा. मात्र, त्याची मुदत ही फक्त एक वर्षाकरिता आहे. कोरोनाकाळात गत सहा महिन्यांत फक्त पाच लोकांनीच इंटरनॅशनल लायसन्स काढल्याची नोंद आहे.

बॉक्स:

मुदत एक वर्षाचीच

आरटीओच्या सारथी पोर्टलवर जाऊन ऑनलाईन पद्धतीने एक हजार रुपये भरून इंटरनॅशनल ड्रायव्हिंग लायसन्स काढता येते. पण, त्याची लायसन्स घेतल्यापासून फक्त एक वर्षाचीच मुदत असल्याचे एआरटीओ सिद्धार्थ ठोके यांनी सांगितले.

बाॅक्स :

तुम्हालाही काढायचेय इंटरनॅशनल लायसन्स?

सारथी पोर्टलवर जावून त्यासाठी लागणारे आवश्यक कागदपत्रे व ऑनलाईन एक हजार रुपये भरून सदर लायसन्स विदेशवारी करणाऱ्या भारतीय नागरिकाला घेता येते. त्याकरिता पासपोर्ट काढलेला असावा लागतो तसेच व्हॅलिड व्हिजा असणे आवश्यक आहे. त्यानंतर आयडीपीए म्हणजेचे इंटरनॅशनल ड्रायव्हिंग लायसन्स मिळते. अर्ज केल्यानंतर दोन ते सात दिवसांच्या आता विदेशात जाणाऱ्या नागरिकांना हे लायसन्स आरटीओतून काढता येत असल्याची माहिती आरटीओच्या अधिकाऱ्यांनी दिली.

कोट

इंटरनॅशनल लायसन्स काढण्यासाठी आवश्यक कागदपत्रासह ‘सारथी’पोर्टलवर शुल्क भरून ऑनलाईन लायसन्स काढता येते. त्याकरिता पासपोर्ट व व्हॅलिड व्हिसा असणे आवश्यक असते. ११ वर्षांत ५३१ जणांनी लायसन्स घेतले आहे. कोरोनाकाळात फक्त पाच जणांनीच लायसन्स घेतले आहे.

सिद्धार्थ ठोके, एआरटीओ अमरावती

(ग्राफ)

२०११-३२

२०१२-३८

२०१३-४८

२०१४-४८

२०१५-७०

२०१६-४८

२०१७-५६

२०१८-६९

२०१९-८५

२०२०-३२

२०२१-५

(जूनपर्यंत)