वीज ग्राहकांवरही ‘एलबीटी’चा बोझा

व्यापाऱ्यांकडून शहरात आणल्या जाणाऱ्या मालावर महापालिकेच्या एलबीटी पथकातर्फे एलबीटी आकारणे सुरू आहे. एलबीटीला व्यापाऱ्यांचा प्रचंड विरोध असताना आता वीज ग्राहकांवरही एलबीटीचा

शासन अध्यादेश जारी : आॅगस्ट महिन्याच्या देयकांत समावेश
अमरावती : व्यापाऱ्यांकडून शहरात आणल्या जाणाऱ्या मालावर महापालिकेच्या एलबीटी पथकातर्फे एलबीटी आकारणे सुरू आहे. एलबीटीला व्यापाऱ्यांचा प्रचंड विरोध असताना आता वीज ग्राहकांवरही एलबीटीचा बोझा येणार आहे. त्यामुळे आॅगस्ट महिन्याचे वीज देयक विविध कर आकारणीसह एलबीटी आकारुन ग्राहकांना मिळणार आहे.
ज्या महापालिकांमध्ये एलबीटी (स्थानिक कर) आकारला जातो त्या हद्दीत वीज वितरण कंपनीच्या सेल आॅफ एनर्जी, एनर्जी चार्जेस, एफसी (फ्यूल एडजस्टमेंट कॉस्ट) तथा अन्य एनर्जी चार्जेसवर २ टक्के प्रमाणे स्थानिक संस्था कर आकाण्यासंदर्भात राज्य शासनाने २० फेब्रुवारी २०१४ रोजी अध्यादेश जारी केला आहे. भविष्यात महावितरण कंपनी कोणत्याही प्रकारच्या एनर्जी कम्पोनंटचा अवलंब करीत असेल तर त्यासाठी एलबीटीची वसुली वीज ग्राहकांकडून करावी, असा शासनाच्या अध्यादेशात स्पष्ट उल्लेख आहे. वीज वितरण कंपनी विद्युत ग्राहकांकडून सेल टॅक्स, इलेक्ट्रीसिटी ड्युटी आतापर्यंत वसुल करीत होती. आता एलबीटीचा भरणाही वीज ग्राहकांना करावा लागणार आहे.
शहरात एक लाख
६५ हजार ग्राहक
शहरातील वीज ग्राहकांची एकूण संख्या १ लाख ६५ हजार एवढी आहे. यातील काही ग्राहकांचा वीज पुरवठा थकित देयकामुळे खंडित करण्यात आला आहे. आॅगस्ट महिन्याचे वीज देयक ग्राहकांच्या हाती आता एलबीटी आकारुन मिळणार आहे.