अचलपुरात मुसळधार पाऊस.. सराफा बाजारात पाणीच पाणी

आज दुपारी एक वाजताच्या दरम्यान अचलपुरात मुसळधार पाऊस झाला. या मुसळधार पावसामुळे अचलपूर आतील अनेक भागात घरात दुकानात मोठ्या प्रमाणात पाणी शिरले. पाण्यामुळे सर्व नाल्या तुडुंब भरून वाहत होत्या. नाल्याचे पाणी रस्त्यावरून वाहत होते. सराफा बाजार येथील नालीचे पाणी रस्त्यावरून वाहत असल्याने तेच पाणी अनेक सराफा दुकानात शिरले. या भागातील नाली कच्ची स्वरूपात असून किला भागातून वाहत येणारे गढूळ पाणी वरूनच वाहत होते. अचलपूर आतील टक्कर चौक अकबरी चौक जुना बस स्टॅन्ड माळवेशपुरा चहा वाल मंडी अभिनव काॅलनी तहसील रोड गांधी पूल या भागात मोठ्या प्रमाणात पाणी साचले. या अचानक झालेल्या मुसळधार पावसामुळे जवळपास एक तास अचलपूर आतील सर्व मार्गावरील वाहतूक ठप्प होती. आज बरी चौक या भागात मोठ्या प्रमाणात पाणी साचल्याने तेथील दुकानात पाणी शिरले होते. अनेक भागातील नालीची साफसफाई न झाल्यामुळे नालीतील पाणी रस्त्यावरून वाहत होते. टक्कर चौक येथील भागात मोठ्या प्रमाणात पाणी साचले होते, त्यामुळे रस्त्यावर उभे असलेले दुचाकी वाहने अर्ध्यापर्यंत बुडाले होते.

240921\img-20210924-wa0082.jpg

अचलपुरात मुसळधार पाऊस