ग्रामपंचायत सदस्यांनी प्रभाग, गावाच्या विकासाला चालना द्यावी

वीरेंद्र जगताप, नवनिर्वाचित सदस्यांचा गौरव

धामणगाव रेल्वे : तालुक्यातील नवनिर्वाचित ग्रामपंचायत सदस्यांनी प्रभाग विकासाकडे लक्ष केंद्रित करून गावच्या विकासाला चालना द्यावी, असे आवाहन माजी आमदार वीरेंद्र जगताप यांनी केले

धामणगाव रेल्वे तालुक्यातील विजयी झालेल्या नवनिर्वाचित ग्रामपंचायत सदस्यांचा गौरव वीरेंद्र जगताप यांच्या हस्ते येथील बाजार समितीच्या टीएमसी सभागृहात करण्यात आला. यावेळी मंचावर पंचायत समिती सभापती महादेव समोसे, उपसभापती माधुरी दुधे, तालुका काँग्रेस कमिटीचे अध्यक्ष रवीश बिरे, शहराध्यक्ष नितीन कनोजिया, जिल्हा परिषद सदस्य सुरेश निमकर, अनिता मेश्राम, वैशाली बोरकर, पंचायत समिती सदस्य जयश्री शेलोकार, शुभम भोगे, माजी जिल्हा परिषद सदस्य मोहन घुसळीकर, खरेदी विक्री संघाचे अध्यक्ष सुरेश जाधव, युवक काँग्रेसचे तालुकाध्यक्ष

ऋषी जगताप, गजानन पाटील, नंदकिशोर मानकर यांची उपस्थिती होती. संचालन चंदू डहाणे यांनी केले. आभार माजी तालुकाध्यक्ष मोहन सिंघवी यांनी मानले.