गो.सी. टोम्पे महाविद्यालयात जैविक शेतीविषयक कार्यशाळा

चांदूर बाजार : स्थानिक गो.सी. टोम्पे कला, वाणिज्य व विज्ञान महाविद्यालयात पाणी व माती परीक्षण प्रयोगशाळा, वनस्पतिशास्त्र विभाग, भूगर्भशास्त्र विभाग आणि राष्ट्रीय सेवा योजना यांच्या संयुक्त विद्यमाने जैविक शेती जनजागृती अभियानांतर्गत कार्यक्रमाचे आयोजन करण्यात आले होते.

कार्यक्रमाच्या अध्यक्षस्थानी संस्थेचे सचिव भास्कर टोम्पे होते. प्रमुख वक्ते म्हणून पंजाब येथील कृषितज्ज्ञ जी.एस. गिल, प्राचार्य राजेंद्र रामटेके, कृषी अधिकारी अरुण गजभिये, अभ्युदय सोमवंशी, आशिष नवले, दिलीप विघाते प्रामुख्याने व्यासपीठावर उपस्थित होते. यावेळी प्रमुख वक्ते गिल म्हणाले, रासायनिक शेतीमुळे उत्पन्नात वाढ होत असली तरी मानवी आरोग्य धोक्यात येत आहे. शास्त्रीय पद्धतीने सेंद्रिय शेती केल्यास उत्पन्न वाढेल व आरोग्यही सुरक्षित राहील. बैल, गाय, म्हैस यांच्या मलमूत्रामध्ये गुळ व बेसन योग्य प्रमाणात मिक्स करून पिकांना ड्रीपवाटे दिल्यास पिकावर कोणतेही रोग येणार नाहीत. अशा विविध जैविक पद्धतीचा शेतकऱ्यांनी आपल्या शेतीत वापर करून कमी खर्चात जास्तीत जास्त उत्पन्न कसे घेता येईल, याचा प्रयत्न करावा, असे आवाहन त्यांनी केले. याप्रसंगी कृषी अधिकारी अरुण गजभिये, राजाभाऊ देशमुख, दिलीप विधाते, भास्कर टोम्पे

यांनीही मार्गदर्शन केले. कार्यक्रमाचे संचालन रासेयो कार्यक्रम अधिकारी मंगेश अडगोकर यांनी केले. आभार प्रवीण परिमल यांनी मानले. यावेळी प्र-प्राचार्य देवतळे, प्राचार्य संजय शेजव, राजाभाऊ देशमुख, ठाकरे यांच्यासह शेतकरी, प्राध्यापक, विद्यार्थी, माजी विद्यार्थी उपस्थित होते. प्रशांत सातपुते, ज्ञानेस्वर वारंगे, जयंत बन्सोड, निधी दीक्षित, युगंधरा गुल्हाने, प्रिया देवळे, मंजूषा पवार, प्रफुल्ल चौधरी, सहकार्यक्रम अधिकारी उमेश कनेरकर, अतुल सरोदे, धनंजय बिजवे, सचिन भोम्बे, दुमटकर, रविकांत कोल्हे, प्रणित देशमुख, रोशन सावरकर, नितीन सातपुते, देशमुख, पवार यांनी परिश्रम घेतले.