वडाच्या आश्रयाला गुरे-ढोरे..

.सूर्यनारायण चांगलाच तापतोय. प्रखर उन्हामुळे सामान्य जनता हैराण झाली आहे. मग, मूक पशूृ-पक्ष्यांबद्दल तर बोलायलाच नको. कडाक्याच्या उन्हामुळे चराईसाठी सोडलेल्या पाळीव जनावरांच्या अंगाचीदेखील लाहीलाही होतेय. वडगाव माहोरे येथे विशाल वटवृक्षाच्या सावलीत कडक उन्हापासून बचाव करण्याकरिता या गाई-म्हशी-बकऱ्यांनी असा ठिय्या मांडला. थंडगार सावलीत भर दुपारी रवंथ करीत पहुडलेली ही जनावरे पाहून उन्हाच्या प्रखरतेची कल्पना येते.