परतवाड्यातील आठ अहवाल निगेटिव्ह

परतवाडा शहरात सापडलेले दोन कोरोना रुग्णांचे कुटुंबीय व जवळच्या २७ व्यक्तींचे हॉस्पिटलमध्ये विलगीकरण करण्यात आले आहे. त्यापैकी आठ जणांचे अहवाल निगेटिव्ह आले आहेत. त्यांच्या संपर्कातील ३१ नागरिकांना संस्थात्मक विलगीकरण करण्यात आले. याशिवाय निकटच्या सर्व व शेजारी राहणाऱ्या ७२ नागरिकांना गृह विलगीकरण करण्यात आले आहे.

ठळक मुद्दे२७ रुग्णालयात : ७२ जणांचे गृहविलगीकरण

लोकमत न्यूज नेटवर्क
परतवाडा : जुळ्या शहरात कोरोनाबाधित आढळलेल्या दोघांच्या संपर्कातील व्यक्तींचे विलगीकरण प्रशासनाने केले आहे. त्यापैकी आठ जणांचे कोरोना चाचणी अहवाल निगेटिव्ह आले आहेत.
परतवाडा शहरात सापडलेले दोन कोरोना रुग्णांचे कुटुंबीय व जवळच्या २७ व्यक्तींचे हॉस्पिटलमध्ये विलगीकरण करण्यात आले आहे. त्यापैकी आठ जणांचे अहवाल निगेटिव्ह आले आहेत. त्यांच्या संपर्कातील ३१ नागरिकांना संस्थात्मक विलगीकरण करण्यात आले. याशिवाय निकटच्या सर्व व शेजारी राहणाऱ्या ७२ नागरिकांना गृह विलगीकरण करण्यात आले आहे. याशिवाय प्रतिबंधित क्षेत्रात नागरिकांना फिरण्यास व प्रशासनाच्या परवानगीशिवाय ये-जा करण्यास मनाई करण्यात आली असल्याची माहिती अचलपूर नगरपालिकेच्या मुख्याधिकारी अश्विनी वाघमळे यांनी दिली.

अहवालाची प्रतीक्षा
दोन जणांचे अहवाल पॉझिटिव्ह आल्यानंतर अचलपूर-परतवाडा या जुळ्या शहरांत एकच खळबळ उडाली. त्यानंतर प्रशासनाने अनेकांचे संस्था, घर आणि हॉस्पिटलमध्ये विलगीकरण केले. काही जणांची तपासणी करण्यात आली असून, आरोग्य विभागाकडील अहवालाची प्रतीक्षा केली जात आहे.